G‘azoda yana 11 kishi jon berdi

Isroil kuchlari 3-iyun kuni G'azo sektori markazidagi Nuseyrat va Burayj lagerlariga bergan havo zarbalari oqibatida 11 kishi halok bo'ldi. Qurbonlar orasida bolalar ham bor. Isroil qariyb 1,5 million falastinlik jon saqlagan so'nggi panoh maskani - Rafah shahriga ham hujumlarni kuchaytirgan. Yuz minglab odam shaharni tark etgan. Yahudiy hukumati sektorga oziq-ovqat va boshqa gumanitar yordam yuklari kirishini cheklagani ortidan G'azoda ocharchilik yanada jiddiy muammoga aylanmoqda. XAMASning 7-oktabr kuni qariyb 1200 yahudiy o'limiga sabab bo'lgan hujumi ortidan boshlangan joriy qurolli to'qnashuvda 36 479 nafar falastinlik jon berdi - qurbonlarning katta qismi bolalar va ayollar.