Скачать или смотреть वडीगोद्री सरकारी दवाखान्यातील वैद्यकीय अधिकारी, आरोग्य कर्मचाऱ्यांना निलंबित करा?

वडीगोद्री सरकारी दवाखान्यातील वैद्यकीय अधिकारी, आरोग्य कर्मचाऱ्यांना निलंबित करा?

महिलेची भर पावसात वडीगोद्री सरकारी दवाखान्या समोर रस्त्यावरच
प्रसूती


वडीगोद्री सरकारी दवाखान्याचा भोंगळ कारभार चव्हाट्यावर


दवाखान्यातील नियुक्त कर्मचाऱ्यांना निलंबित करा; नातेवाईक व ग्रामस्थांचा रोष


ज्ञानेश्वर गुळजकर।
जाहेद काझी। ब्युरो रिपोर्ट



वडीगोद्री। प्राथमिक आरोग्य केंद्रात डॉक्टर व कर्मचारी नसल्याने भर पावसात प्राथमिक आरोग्य केंद्राच्या समोर
रस्त्यावरच गरोदर माताची प्रसूती झाल्याची घटना अंबड तालुक्यातील वडीगोद्री येथे दि ३० जुलै रोजी रात्री ७:३० वाजता घडली असून आरोग्य विभागाचा भोंगळ कारभार चव्हाट्यावर आला असल्याचा प्रकार घडला.
२४ तास नागरिकांच्या सेवेसाठी असलेल्या सरकारी दवाखान्यातील आरोग्य सेवा देणाऱ्या आरोग्य कर्मचाऱ्यांवर आरोग्य प्रशासन कोट्यावधी रुपयांचा खर्च करतो. असे असले तरीही वेळ प्रसंगी, वैद्यकीय अधिकारी, आरोग्य सेवक, आरोग्य सेविका, औषध निर्माता, शवविच्छेदन करणारा, रुग्णवाहिका, चालक, कोणीही उपस्थित नसतात. सरकारी दवाखान्यात दोन वैद्यकीय अधिकाऱ्यांची नियुक्ती असते. कर्मचाऱ्यांना दिवस - रात्रच्या शिफ्ट ठरवून दिलेल्या असतात. दर महिन्याला पगार हातात पडतोच तरी सुद्धा हे कर्मचारी का, कशासाठी, कुठ गायब असतात. असा प्रश्न कित्येकदा उपस्थित होतो. मात्र याकडे जालना जिल्ह्यातील जिल्हा आरोग्य अधिकारी, तालुका आरोग्य अधिकारी गांभीर्याने घेत नाहीत.
असाच प्रकार वडीगोद्रीतील सरकारी दवाखान्यात घडला. त्यामुळे संतप्त झालेल्या नातेवाईक व ग्रामस्थांनी रोष व्यक्त करत कर्मचाऱ्यांना निलंबित करा, नसता दवाखान्याला कुलूप ठोकण्याचा इशारा दिला आहे.

अंबड तालुक्यातील वडीगोद्री येथील गरोदर माता रुपाली राहुल हारे हिला बाळंतपणाच्या कळा येत असल्याने नातेवाईकांनी तिला वडीगोद्री येथील प्राथमिक आरोग्य केंद्रात रिक्षात आणले होते.

मात्र सरकारी दवाखान्यात वैद्यकीय अधिकारी, महिला आरोग्य सेविका ठेप्यावर नसल्याने संबंधित गरोदर महिला रिक्षातच बसून होती. तर ते तालुक्याच्या ठिकाणी जाण्याच्या तयारीत होते.
अशातच गरोदर मातेला बाळंतपणाच्या कळा वाढल्या व सरकारी दवाखान्या समोरील रस्त्यावरच भर पावसात त्या गरोदरमातेची प्रसूती झाली.

रिक्षात प्रसुती झाल्यानंतर ही डॉक्टर व कर्मचारी यांना फोन केला असता एक तास होऊनही संबंधित कोणताही आरोग्य अधिकारी, कर्मचारी आला नव्हता.

एक तासभर गरोदर माता, बाळ व नातेवाईक भर पावसात उभे होते.

त्यानंतर खाजगी महिला डॉक्टर व परिचारिका यांनी येऊन गरोदर मातेवर प्रथमोपचार केले. त्यानंतर गरोदर माता व नवजात बाळाला प्राथमिक आरोग्य केंद्रात दाखल करण्यात आले.



डॉक्टर व कर्मचारी नसल्याने माझ्या पत्नीची प्रसूती रस्त्यावर झाली आहे हा गंभीर प्रकार असून ड्युटीच्या वेळेत ड्युटी वर नसलेल्या डॉक्टर व कर्मचारी यांना निलंबित करा नसता मी दवाखान्याला कुलूप ठोकणार.

राहुल हारे (गरोदर महिलेचे पती)
वडीगोद्री,ता.अंबड