ወረብ ዘመጋቢት መድኃኔዓለም Megabit Medhanealem Werebs

Описание к видео ወረብ ዘመጋቢት መድኃኔዓለም Megabit Medhanealem Werebs

አመ ፳ወ፯ ለመጋቢት ወረብ ዘመድኃኔዓለም (ጥንተ ስቅለት)

ወአቅደምከ ጸግዎ ጸግዎ መንፈሰከ፣
አክሊለ ጽድቅ አስተዳሎከ በሰማያት አክሊለ ጽድቅ።

በለኒ መሐርኩከ በለኒ መሐርኩከ በእንተ ማርያም፣
እስመ አልቦ ዘእንበሌከ ዘይሜሕር ቃለ መድኃኔዓለም።

በእንተ ማርያም ወላዲትከ ወበእንተ ዮሐንስ መጥምቅከ፣
ርድአነ ርድአነ ርድአነ ወትረ በኃይለ መስቀልከ።

ወጸሐፈ መጽሐፈ ጲላጦስ ወይብል መጽሐፉ ጲላጦስ መጽሐፈ፣
ኢየሱስ ናዝራዊ ንጉሥ ናዝራዊ ንጉሠ አይሁድ።

ምድር አድለቅለቀት ወሰማይ ተሀውከ፣
ሶበ ትወጽእ ሶበ ትወጽእ መንፈሱ ለኢየሱስ።

አውረድዎ አውረድዎ አውረድዎ እምዕፅ፣
ወአምጽኡ አፈዋተ ከርቤ ሕውሰ።

ሃሌ ሉያ መርሕ በፍኖት ሞገሶሙ ለጻድቃን ሞገሶሙ፣
ዝንቱ መስቀል ለአዳም ዘአግብዖ ውስተ ገነት።

ብከ ንወግዖሙ ለኵሎሙ ፀርነ ይቤ ዳዊት በመንፈሰ ትንቢት፣
በእንተ ዝንቱ ዕፀ መስቀል ዘተሰቅለ ተሰቅለ ዲቤሁ ቃለ አብ።

ንዜኑ ንዜኑ ዘአምላክነ ኂሩተ ትሕትና ወየወሃተ፣
ዘተአገሠ ዘተአገሠ በእንተ አፍቅሮተ ሰብእ።

Комментарии

Информация по комментариям в разработке

Похожие видео