សម្លេងអ្នកម្តាយ ❤️

សម្លេងអ្នកម្តាយ







១. អ្នកក្រត្រដររស់ទាំងវេទនា ធ្វើការមិនរាលចញ្ចឹមជីវិត
រស់នៅគ្មានទ្រព្យគួរឲ្យអាណិត តែនៅក្នុងចិត្តមានការតស៊ូ។
២. ក្រចុះសម្បត្តិតែកុំក្រចិត្ត ក្នុងផ្នត់គំនិតត្រូវមានកតញ្ញូ
ដឹងគុណម៉ែឪនិងដឹងគុណគ្រូ ក្រនៅមិនយូរពេលក្រោយនឹងសុខ ។
៣. កើតមកក្រទ្រព្យព្រោះខ្លួនខ្វះបុណ្យ សាងពីជាតិមិនមិនបានសម្រុក យើងត្រូវធ្វើបុណ្យប្រមូលកប់ទុក កុំឲ្យជាតិមុខស្គាល់ពាក្យថាក្រ ។
៤. ប្រព្រឹត្តការងារដែលអាចធ្វើបាន តែសុំហាមប្រាណជំនួញមិនល្អ ធ្វើអ្វីក៏ដោយឲ្យតែស្មោះសរ ព្រោះអ្វីគុណធម៌មិនឋិតលើទ្រព្យ។
៥. មានអ្វីគ្រប់យ៉ាងតែចិត្តកំណាញ់ ប្រាកដជាចាញ់អ្នកក្រល្អកប់ ធ្វើបុណ្យជាគ្នាសម្បូរញាតិរាប់ ទោះខ្លួនកំសត់តែចិត្តទេវតា។
៦. យកព្រះធម៌ថ្លៃធំជាចំបង ញាតិជារបងជ្រកក្នុងសាសនា
គោរពព្រះសង្ឃកសាងវត្តវ៉ា សូមចិត្តជ្រះថ្លាអនុមោទនា។
៧. រត់យន្តកង់បួនគង់តែផ្ងាជើង រថយន្តខ្សែវែងគង់តែធ្លាក់ផ្លូវ
ជំនាញធ្វើស្រែគង់តែខ្វះស្រូវ ពេលខ្លះកូនត្រូវគង់តែអត់ទ្រាំ។
៨. ម៉ូតូទិញថ្មីគង់តែអស់សាំង រឿងលាក់កំបាំងគង់តែរៀបរាប់
រូបរាងមិនស្អាតគង់មានគូរគាប់ ស្វាយទំទុកគ្រាប់គង់ដុះថ្មីបាន។
៩. ព្យាយាមធ្វើការគង់តែបានលុយ ធ្វើអ្វីប្រថុយគង់តែខកប្រាណ រស់នៅរាប់ញាតិគង់តែសុខសាន្ត ឲ្យបាយមួយចានគង់តែបានបុណ្យ។
១០. ព្យាយាមឈានជើងគង់តែទៅមុខ មានទ្រព្យចេះទុកគង់តែមានទន់ សំឡៃស្រាមែនតែច្រើនគង់ធ្ងន់ កវីនិពន្ធគង់តែមានខុស។
១២. និយាយាច្រើនហួសគង់តែឈ្មោះអាប់ ខឹងច្រើនអាងកាប់គង់តែជាប់គប់ រស់គ្មានព្រះធម៌គង់តែជួបទុក្ខ កិលេសវាយលុកគង់តែវិនាស។
១៣. ខ្ញុំក្រតែកាយតែមិនក្រចិត្ត ព្រោះខ្ញុំចេះគិតគំនិតខ្ញុំមាន
ខ្ញុំមិនអួតអាងហើយមិនបំពាន ខ្ញុំនឹងរស់រានព្រឹកផ្អែកចំណេះ។
១៤. ខ្ញុំក្រពិតតែមិនក្រមួយជីវិត ខ្ញុំអាចនឹងគិតថាមានជាងអ្នក ខ្ញុំដើរលើផ្លូវល្អជៀសវិនាស បុណ្យល្អសងវិញនៅថ្ងៃណាមួយ។
១៥. កើតចាស់ឈឺស្លាប់ជារឿងធម្មតា គឺគ្មានអ្នកណាជៀសផុតបានទេ រស់ត្រូវធ្វើបុណ្យកុំធ្វើបាបគេ យើងត្រូវមានពេលថែអ្នកមានគុណ។
១៧. ធ្លាប់នៅស្រុកស្រែពីតូចដល់ធំ មិនស្គាល់ទីក្រុងរបស់ទំនើប ធ្លាប់ជិះក្របីរទេសគោទើប មិនស្គាល់ទំនើបរបស់លេចថ្នូរ។......
១៨. នាងខ្ញុំស្រីកេតក៏សុំអរគុណ ពុកម៉ែជាធំដែលបានអានស្តាប់ ល្អឬយ៉ាងណាសូមវាចារប្រាប់ នាងខ្ញុំចាំស្តាប់រាល់នូវកំហុស។


កវីនិពន្ធដោយ ថេង ស្រីកេត
( ២៨.០៥.២០២២)
(វិចិត្រករកំពូលស្នាដៃកូនខ្មែរ ថេង ស្រីកេត ស្រឡាញ់សិល្បៈគំនូរ)