Скачать или смотреть مرحليات 4 | الشاعر: سفر الدغيلبي | الالوان الضبابية | طلبتك ياإلهي تخلف اتعابي | بطي

رابط #سناب

https://www.snapchat.com/add/m_fta511?shar...

رابط #تيك_توك

‏https://vm.tiktok.com/ZSJSV2e5o/

رابط #تلجرام

‏https://t.me/joinchat/AAAAAFZlLqruoSy...
_______________________________


‏طلبتك ياإلهي تخلف اتعابي
‏كبيرات الخساير مااقدر أحصيها

‏بدت لي يوم قمت اكسّر حسابي
‏ذهلت من النتيجه قبل اصفيها
‏
‏مااقول إني غبي لكن متغابي
‏أسوّف في مهماتي ولاانهيها

‏أجنبها واروح ألهى مع اصحابي
‏ولااذكرها،،ولاابغى اجيب طاريها

‏لكن هالحين ماتاسعني ثيابي
‏بعد روّعني اولها وتاليها"

يامرقاب الشقى منته بمرقابي
‏تزاورك الحزانى ماتعزيها

‏مع انك فالرواسي شامخن نابي
‏شهيرن فالمعالم ومتعليها

‏سفوحك ماتشوق اعيون الاعرابي
‏وشعبانك ماعاد انا براقيها ..

فمان الله واسحب سالف اعجابي
‏ابا ارحل عن مداهيلك واخليها

‏لأنك صرت سلبي مانتب ايجابي
‏تنقض لي جروحن ما تداويها

معاناتي تزود فترة غيابي
‏ولا اكلم بني جنسي ولا اوحيها

‏سبايب وآحدنٍ للشرق صلابـي
‏وحطم هيبتي عن بكرة أبيهــا

‏عذاب الروح انا في حبك مرابي
‏أتاجر في مشاعرنا وانمّيها

‏جمالك يوم ينفث داخل اعصابي
‏احس انه يموتها ويحييها

‏قوامك مختلط شامي وبنجابي
‏تخر اله الجبابر من كراسيها

وفي عينك تركوازي وعنابي
‏سهومً جاذبيتها تباريها

لو انه شافك ابو القاسم الشابي
‏ضرب وزن القصايد في قوافيها

علئ ماعطاك ربك يـ اخر احبابي
‏تحمد واشكر النعمه وواليها

‏بعد هذي تحمل قسوه عتاابي
‏الالوان الضبابيه ماادانيها

أنا طالبك لاتاقف على بابي
‏وتحجبني عن الدنيا ومن فيها

‏شريعة حبّك اقسى من حمورابي
‏يعذب والبشر فالنار يرميها

وانا رحت اتبعك واهملت شيابي
‏افا كيف الرجل مثلي يسويها

‏خف الله يوم حشرك لاتبلابي
‏سجلاتك معي بالجور ماليها

ابادر واحسبك ماتصلح الا بي
‏وتشهد تضحياتن كنت اضحيها

‏اذا انك ماتبيني ربعي اولابي
‏رجالن تذكر اسمي في عزاويها

‏لكن اعتق رقبتي ويش تبغابي
‏ابي حريتي طالبك عطنيها

عزفت ابياتي موشح وزريابي
‏ابا اعيد المياه ليا مجاريها

#الشاعر #سفر_الدغيلبي
#مرحليات٤ | #الالوان_الضبابية
#المصمم_فتى_الهيلا