周慧敏澳門演唱會邀黃劍文做嘉賓😎突然宣佈：這是最後一次個人巡迴演唱會⭐️⭐️

《Channel音樂》周慧敏澳門演唱會邀黃劍文做嘉賓😎突然宣佈：這是最後一次個人巡迴演唱會⭐️⭐️

周慧敏「地老天荒愛一場世界巡迴演唱會」日前在澳門倫敦人揭幕，接下來阿V (周慧敏) 會開始巡唱生活。以為她又再活躍舞台，想不到她這次巡演是想親自到世界各地跟歌迷告別，與大家再共聚一次珍貴時光！ 究竟是什麼一回事？

澳門演唱會以《自作多情》及一連串快歌作揭幕，阿V分享：「唱完一輪快歌開場，真係好有動力呀！我對今次巡演真係充滿期待，內心喜悅要大爆發，我好Ready 啦，你哋 Warm Up 未？ 啱啱啲快歌，好似帶我返90年代，諗返我第一次個人演唱會《94美的化身演唱會》。個陣自己跳舞似機械人，有邊個睇過？不經不覺你地就跟我30 年！我見到唔止觀眾，有80後、90後喎，重有00後小朋友，歡迎你哋一家人來睇我個騷！呢30 年人生充滿意想不到的事，真係冇諗過自己重企係舞台到。快歌之後，呢個騷第一首慢歌，我要送畀我人生第一位支持者，我天上嘅媽媽！《台下女主角》，多謝大家。」

演唱會請來黃劍文做特別嘉賓，阿V說：「有位朋友，我哋都係互相守護，係同行者，歡迎黃劍文加入我演出！」兩人合唱了《流言》、《情未了》及《知己》三首歌。來到演唱會最後部份，阿V除了又唱又跳不少經典歌曲，更首次在台上演奏《貝多芬月光奏嗚曲 : 第一樂章》。她說: 「其實我係 2022年聖誕節錄咗第一首鋼琴演奏曲，我好開心，今晚我想彈貝多芬月光奏嗚曲第一樂章比大家聽。我彈琴唔叻，如果冇自己舞台，好難有機會公開演奏，所以我唔理啦，我要好好彈一次！因為我相信每一件事用心用愛去做，就有感動人嘅能力。」

到了嗚謝環節，阿V殺歌迷一個措手不及：「 其實今次巡演同自己講，搵最純綷心表演，為愛我的人唱歌。人生去到唔同階段，追求需要都係會有好大改變。今次這個巡演，的確係每一場都是倒數時間。今次應該係我最後一次個人大型演唱會啦！」歌迷聞言，有人爆喊，又有不少人大叫「 唔好呀！唔得呀！」

阿V續道：「因為我覺得時侯差不多啦，要專注自己照顧自己身體，照顧我家庭，貓仔都唔細啦...我想多啲時間陪貓仔，同先生希望有更多共處時間，你地應該理解 係咪？」歌迷繼續叫「唔可以！」阿V就安慰他們：「我係唔會唔工作。只係想有多啲時間調節自己。時間好快，錯過咗就錯過咗啦，好似今晚咁，好快就過，已經演唱會尾聲啦，要唱最後一首歌，我好想聽到大家，大大聲一齊唱《最愛》。」

演唱會結束，觀眾不停叫安歌，阿V又再出場，連續跟觀眾一齊大合唱了近六首歌，最後呼應演唱會名字，以《天荒愛未老》一曲真正作結。

編輯：Andy

==========================
🎤HONG KONG SINGER CHANNEL🎤
💛讓每一個人唱出心聲💛Let Everyone Sing From Their Heart💛
Follow我哋👇🏻👇🏻🥰🥰
▶️Facebook: Hong Kong Singer Channel
▶️Youtube: hksingerchannel
▶️Website: www.hksingerchannel
▶️Instagram: hkscchannel

#hksingerchannel #hongkongsingerchannel #香港歌手 #hksinger #hksinging #hkscchannel #hkig #周慧敏 #黃劍文 周慧敏 Vivian Chow 周慧敏粉絲同盟會 Kimman Wong 黃劍文 黃劍文 Kimman Fans Group - Kimchi Family