Скачать или смотреть DIWANI WA KATA YA MAYANGA MTWARA MHE. ARIF ACHANGIA ZAIDI YA MIL. 279 KWENYE MIRADI YA MAENDELEO.

Diwani wa Kata ya Mayanga iliyopo Halmashauri ya Wilaya ya Mtwara Mheshimiwa Arif Premji, amejivunia mafanikio katika utekelezaji wa ilani kwa kipindi cha miaka mitano, kwa kuchangia zaidi ya Shilingi Milioni 279 katika utekelezaji wa Miradi mbalimbali ikiwemo ya Elimu, Afya na Miundombinu.

Hayo ameyaeleza siku ya Juni 14, 2025 katika taarifa yake ya utekelezaji wa ilani ya Chama cha Mapinduzi (CCM) 2020-2025, kwenye kikao cha Halmashauri kuu ya CCM Kata ya Mayanga, kilichofanyika katika shule ya Sekondari Mustapha Sabodo Halmashauri ya Wilaya ya Mtwara.

Mh. Premji ameishukuru Serikali inayoongozwa na Dkt. Samia Suluhu Hassan na wadau mbalimbali kwa jitihada kubwa zilizopelekea kukua kwa maendeleo ya kata hiyo, ambapo kwa miaka mitano zaidi ya shilingi Bilioni 7 zimetolewa ili kusukuma gurudumu la maendeleo kwenye Kata hiyo.

Akizungumzia Sekta ya Kilimo Mh. Arif ameipongeza Serikali chini ya Dkt. Samia kwa kuwapunguzia Wakulima gharama za uzalishaji kwa kuwapa pembejeo bure, ambapo kwa mwaka 2024/2025 zimetolewa Pembejeo zenye thamani ya zaidi ya shilingi Milioni 108.

Katika kutamatisha hotuba yake Mh. Premji amewaaga rasmi wananchi wa Mayanga pia kuwashukuru viongozi wa chama, huku akieleza kutogombea tena nafasi ya udiwani, bali anataraji kuchukua fomu ifikapo Juni 28, 2025 ili kuwania nafasi ya juu zaidi.

Sophia Athuman na Romas Upande ni baadhi ya wanachama wa CCM na wananchi wa kata ya Mayanga ,Wamemshukuru Diwani huyo kwa utendaji kazi mzuri, pia wamemtakia heri katika kuwania nafasi nyingine ya uongozi.

#FaidaOnlinetvUPDATES

Endelea kufuatilia mwenye mitandao yetu ya Kijamii,
YouTube, Instagram na X 👉 Faida Online tv
Facebook 👉 Karim Faida