Скачать или смотреть Señor, Bo ta mi Tata

“Señor, Bo ta mi Dios🙏 by Monaliesa Andrea

🎧 Music & Lyrics: Monaliesa Andrea
🤖 Production: the_rising_queen_33 (Suno AI)
📺 YouTube Channel: Brosis
📅 Aña: 2026

📝 LYRICS:
Señor, bo ta mi Tata,
mi ta pidi bo pa bo sostenemi.
Den tur klase di tribulashon,
mi ta pidi bo pa bo kompañami.
No tin niun otro Dios
ku por salba mi i fortalecemi.

Abo ta mi Dios i mi Salbador.
Bo a habri mi wowonan
pa mi por mira e kaminda
i e plan ku bo tin pa mi bida.
Asta ora hende ku mester a stima mi a rechasa mi, abo a asepta mi.

Bo a siña mi ku bunitesa di mundu
no tin balor pa abo.
Loke ta importa ta un kurason humilde i puru,
sin odio ni rencor.
Bo a permiti hende yega na mi i faya kumi djis pa mi por siña kiko ta pordon.

Mi a stòp di kore tras di hende pa amor,
i awor den bo brasa
mi ta drumi i lanta.
Bo a siña mi unda ta mi luga den abo su kas, mi Dios.

Un kos mi a hura, Señor,
hamás i nunka, skucha mi bon:
hamás i nunka lo mi bira lomba pa bo, mi Dios.
Tur siñansa falsu i dios nan falsu mi a pone un banda pa mi halsa abo, mi Kreador.

Mi a tuma tempu pa mi komprondé
kiko bo kier ku mi, pasobra bo a krea mi
segun bo imagen i semehansa.
I mi a bin realisá
kon bunita mi ta
i kuantu mi parse bo, mi Dios.

Bo a pone palabranan riba mi punta di lenga
pa mi papia solamente e berdat.
Bo a reskata mi, Señor, bo a transforma mi bida
i hasi mi un kriatura nobo,
oh Señor.

Mi a pone religion un banda,
mi a pone krus di famia un banda,
mi a pone manipulashon un banda,
i mi a bin sunu dilanti bo.
Abo mes bistimi
ku e mantel di salbashon.
Tur loke ta importante pa mi
ta ku mi sa ku bo stima mi, oh mi Dios.

Mi no mester konvensé mundu ken bo ta, Señor.
E kantika aki, ken ku konose mi,
lo sa ku ta abo a transformami
i ta abo mes a mandami.
I esaki ta e úniko manera
ku mi por deklará di bo amor.

Abo ta e Dios Altísimo,
e Kreador di shelu i tera, oh Señor.
Mira, asta naturalesa a habri paso
pa mi pasa bin enkontra ku bo, mi Dios.

Hamás lo mi ke lubidá,
pasobra pa semper
mi a entregá mi bida bieu
pa mi por biba serka abo, mi bon Dios.
Tur loke bo a siña mi,
mi a pasa pa mi famia,
i mi ta konfia ku bo gloria
lo mustra nan tambe e kaminda.
I mi sa ku door di bo fieldat nan
tur lo ta salbá.

P’esei mi ke jamá bo:
Danki, oh mi bon Dios.

🙌 Si e kanta aki a bendishoná bo:
Like 👍
Subscribe 🔔
Share ku otro nan

Dios ta stima bo ❤️