جفران بن هضبان - عيني اللي ماتبات ليا حصل عندي مهمه 2025 حصرياً

عيني اللي ماتبات



عيني اللي ماتبات ليا حصل عندي مهمه
وبالي اللي مايروق كون لاحقق مرامي

وراسي اللي فيه طربت قو عزم وقو همه
كل ماشاف الصعايب قال سلم ياسلامي

في يميني غادي المسباح له لفه ولمه
كل لفه غيبه وصحوه وعصمن من عصامي

هاجسي لامن سارينا عاصبن راسي بعمه
لاتقصر دامني مادعيك في حزة غرامي

ان هجيت الاش يصبح من مخمه ل مخمه
وان مدحت الكفو رقيته على روس العدامي

الرجل لاصار مايحط الصعايب تحت كمه
ودك انه مايبين كون والدعوا تمامي

ياعلي ماهو يوصى الرجل في لحمه ودمه
ويش عذري ياعلي من درع جنبي والحزامي

شاعرً ماخص له قصيدتن فعيال عمه
لايتمدح في قصيده دام راسه مايحامي

باسم ابي يامرحباً ويقولها صدره وفمه
عد براق سرا ليله وهو فالجو حامي

وبسم عمي مرحبا والمرحبا منه بذمه
عد ماهلا ورحب دام راس العز دامي

مرحبا يامرحباً فبداية الحفل ومتمه
مرحبا ترحيبتن من نورها يجلى الضلامي

مرحبا والعود الازرق يدهر والحفل عمه
مرحبا على الشحم والفال مردوم السنامي

عند من لو ضاقت الارض الفسيحه مايهمه
عمي اللي يفني القعدان لعيون الكرامي

من حفاد السبعه اللي كل ماجات المطمه
من تذرا في ذراهم والله انه مايضامي

خيل الهدلا وانا ابن هلال لاجا الوضع زمه
عزوتن تعرف كما سيلاً يخليها هادامي

حن عما عين العدو حنا سبب في خلجت امه
ومن يحل فزبننا يامن بنا شرقً وشامي

ال عذبه مثل نور الشمس غطت كل يمه
لاشرقت كل النجوم البينه جاها منامي

البيوت مشرفه كنها ليالي مدلهمه
لاغرابه فالرجال اللي يعشقون الغمامي

من بني مره هل البل سعدها في وقت غمه
عادها بالسيف ابو حدين قصاص العضامي

ابلنا ترعا وتارد كل جال وكل جمه
قبل ياتينا الكمام ومن بعد عصر الكمامي

من يعادينا غدينا عوقه وغبنه وسمه
لاعتلينا خيلنا الضمر مثورت العسامي

دون قاصر فالقبايل كل منهم فوق قمه
ومن جحد حق القبايل ماتعداه الملامي





كلمات :
عبدالرحمن ال هلال





اداء :
جفران بن هضبان





تنفيذ :
اهتمام الدوسري



..

من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد

تصميم : اهتمام الدوسري
______________________

للتواصل والاستفسارات :
الحسابات الرسمية لـ قناة اهتمام الدوسري .

‏SNAPCHAT : P.5BF


‏Whatsapp : ‭050 608 9787‬









#عيني_الل_ماتبات
#اليا_حصل_عندي_مهمه
#جفران_بن_هضبان