سيف الحق

سيف الحق معاك على جنان الحور .. 

الغربية فيها فراسة فايتة الطور .. 

جوك مستبشرين لملم بواقي الغلة .. 

تكبيرهم دوى يابس البلاد إنبلَّى .. 

كتايب العزة جات من كل شبر تتدلى .. 

دستورهم متين منزل كتابهم الله .. 

هلل يا وطن كبر يا وطن واحضن عليك فروعك .. 

واقدل بي ثبات عن كل طامة تروعك .. 

ساعة الحارة ديك تلقانا نحنا دروعك ..

تترص الصفوف حالاً يتم مشروعك .. 

يا ريح الشمال شيليها ودي أخبارنا .. 

وريهو الحبيب قوليلو كل أعذارنا .. 

راعينا الإله الما بيغيب عن بالنا .. 

عابرين الصراط والكبري إيه يبقالنا .. 

لي أرض الجهاد إترحدت كلمتنا .. 

والروح الشريفة هدية لي أمتنا .. 

نحنا أولاد وطن تعلو تطول قامتنا .. 

ما بنرقد يمين لامن تقع جِتَّتنا .. 

ساعة الحارة ديل تحلف تقول في زفة .. 

لي أرض الجهاد تمشي الجيوش مصطفة .. 

حارسين للوطن تعلو تطول الكفة .. 

ما بنرجع ورا إلا الدماء تتصفى ..