Скачать или смотреть რატომ იწვევენ კავკასიელები კავკასიის სამართავად სხვა სახელმწიფოებს

თანამოსაუბრე: ვახტანგ გურული, ბლოგერი-ჟურნალისტი: ნინო ხაჩიძე
განსაკუთრებით, მას შემდეგ, რაც სომხეთსა და აზერბაიჯანს შორის სრულფასოვანი საომარი მოქმედებები განახლდა და თურქეთი აშკარად დადგა აზერბაიჯანის მხარეს, მიუხედავად იმისა, რომ რუსეთმა იგივე არ ჩაიდინა და სომხეთი, ფაქტობრივად, მარტო დატოვა, კიდევ უფრო გამოიკვეთა, რომ კავკასიის ხალხები და სახელმწიფოები ვერ ახერხებენ თავიანთი რეგიონის დამოუკიდებლად მართვას. ჩრდილოეთ კავკასია, საერთოდაც, რუსეთის შემადგენლობაშია, აზერბაიჯანი თურქეთის იმედადაა, რომელიც აწ უკვე დასავლეთისგან დამოუკიდებელ პოლიტიკას ატარებს, ყოველ შემთხვევაში, ცდილობს, სომხეთი რუსეთის ერთადერთ სატელიტად მოიაზრება სამხრეთ კავკასიაში, ხოლო ჩვენ უპირობოდ გვიჭირავს თვალი დასავლეთზე, როგორც ჩვენი ტერიტორიული მთლიანობისა და უსაფრთხოების გარანტზე (პრინციპში, ასეცაა). აქედან გამომდინარე, აშკარაა, რომ კავკასიელები თანახმანი არიან, გადააბარონ თავიანთი საცხოვრებელი არეალიც და საკუთარი თავებიც სხვა ქვეყნებს, რომ მათ მართონ რეგიონიც და კავკასიის სახელმწიფოებიც. ცხადია, ეს არანორმალური მდგომარეობაა, თუმცა მწარე რეალობა (რაოდენ კარგი პარტნიორიც უნდა შეარჩიო, საკუთარი სახელმწიფოს ბედი, უპირველესად, თავად უნდა განსაზღვრო). რატომ დაუთმეს კავკასიელებმა პირველობა კავკასიაში სხვებს და როგორ წყდებოდა ეს საკითხი ისტორიულად: ყოველთვის უცხოთა იმედად ვიყავით კავკასიელები?