أصالة وفخامة - متعب بن دخنه & غريب ال مخلص ( نادي الصقور السعودي) | 2020

اشترك في قناة متعب بن دخنه الرسمية للحصول على أحدث أصداراتة الفنية
http://bit.ly/MatubBinDoknah

أصالة وفخامة - متعب بن دخنه & غريب ال مخلص ( نادي الصقور السعودي) | 2020


كلمات : فيصل البلداء
اداء : متعب بن دخنه
مشاركه : غريب ال مخلص
مكس وتوزيع وانتاج:
تون لايف


توزيع ديجيتال شركة قنوات ميوزك
لمتابعة متعب بن دخنه عبر وسائل التواصل الإجتماعي:
Snachat: https://bit.ly/3B06tTe سناب شات
Instagram: https://bit.ly/3Bppe3Y ​ انستقرام
Twitter: https://bit.ly/3KU0eVv تويتر
TikTok : https://bit.ly/3Lb2urL تيك توك :

قرنست نجد العذية وأصبحت رهن الإشارة
وأستعدت في ملاعب كل مذعورة وعية

واطلعت فوق السحاب وعلقت مجد وحضارة
من مرابط سيدي سلمان مزبان الونية

حاكمٍ لاحط بشته من يمينه في يساره
أتسع مضيق باب المندب ومقلع طمية

كرّم العالم بحرصه للصقور وللصقارة
وحطها في مهرجانٍ قادها للعالمية

بإسم ابوه معزي الله يجعل الفردوس داره
الإمام اللي بسيفة طوع الدار العصيه

وعقبه طويق المسمى علة الخصم ودماره
شامخٍ ماهي تزحزحه الرياح الموسمية

من غلاه وهيبته لامنه حدد في مساره
استتب الأمن رهبة وانخضاع ومقدرية

صاحب الرؤية وناموس السعودي وازدهاره
حط للصقار نادي واهتمام وأولوية

لين صارت قيمة الطير الوحش قيمة عمارة
وصار له شان وبطولات وجماهير وهوية

وصارو اصحاب الصقر عقبه من اصحاب التجاره
من غلاه امكن يحطونه بكرت التابعيه

@ابشرو ياهل النوادر بالبشير وبالبشاره
وابشرو بالمهرجان اللي اساساته قويه

جهزو كل اشقرٍ لامن ترفع في طياره
كنه يرسم لآهل الموتر حدود الجاذبيه

ولا طلب فالقاع شيٍ حول وثور غباره
اشجع من الذيب وأقوى صبر من صبر المطية

واقربو بالمغتر اللي في نواظره النعاره
افجحٍ بارز ثنادي والمعنق عنق حيه

كنّ شوفه شوف سيلٍ واطي خشم الزبارة
يبهج القلب الحزين ويشفي الروح الشقية

@واخذو الحيطه ترا شوط التحدي له مراره
مثل ماله نشوه وناموس وانفوسٍ هنية

الحماس اللي يطرا والتحدي والإثارة
تبغي اللي خاطره مثل الفجوج الجرهدية

وعادة الصقار يبرز في وفاه او في وقاره
لا يمالي فالطيور ولايمالي في خوية