Скачать или смотреть পানীৰ মাজত মাটিৰ মানুহ ৷ চন্দন চিৰিং ফুকনৰ কবিতা

১৯৯০ চনৰ ১৪ নৱেম্বৰত যোৰহাট জিলাৰ তিতাবৰৰ বিৰিণাশায়েক অঞ্চলৰ চেঙেলী চুক গাঁৱত জন্মলাভ কৰা চন্দন চিৰিং ফুকন এগৰাকী কবি, লেখক, সক্ৰিয় ৱিকিমিডিয়ান আছিল৷ প্ৰৱল সম্ভাৱনাপূৰ্ণ প্ৰতিভাশালী চন্দন চিৰিং ফুকনে খুব কম সময়ৰ ভিতৰতে নিজৰ নিৰ্মেদ আৰু বহুমুখী সৃষ্টিশীলতাৰে তেওঁৰ সান্নিধ্যত থকা মানুহক প্ৰভাৱিত কৰিবলৈ সক্ষম হৈছিল৷ স্কুলীয়া জীৱনৰে পৰাই সাহিত্য-চৰ্চাৰ প্ৰতি বিশেষ আগ্ৰহ দেখুওৱা চন্দন চিৰিং ফুকনৰ ভালেমান কবিতা অসমীয়া বাতৰিকাকত-আলোচনীত পাছলৈ প্ৰকাশিত হৈছিল৷ কাব্যৰ লগতে তেওঁ অনুবাদ, গল্প, ফটোগ্ৰাফী, গ্ৰন্থ-আলোচনাতো বিশেষ ৰাপ আছিল৷

অসমীয়া ৱিকিমিডিয়া সমাজৰ সক্ৰিয় সদস্য হিচাপে কাম কৰা চন্দন চিৰিং ফুকন ডিজিটেল মাধ্যমত মাতৃভাষা আন্দোলনৰ এগৰাকী সদা-সক্ৰিয় সদস্য আছিল৷ তেওঁ অসমীয়া ৱিকিপিডিয়াত ১২,৮৯৩টা, অসমীয়া ৱিকিউৎসত ১০৯০টা আৰু অসমীয়া ৱিকিউদ্ধৃতিত ১২৮৯টা সম্পাদনা কৰিছিল৷ স্মৰ্তব্য যে, অসমীয়া ৱিকিউদ্ধৃতিক ইনকিউবেটৰৰ পৰা ডমেইন-প্ৰাপ্তিৰ পৰ্যায়লৈ আনিবলৈ তেওঁ নিৰৱচ্ছিন্নভাৱে কাম কৰি গৈছিল৷ ৱিকিউদ্ধৃতিয়ে নিজাকৈ ডমেইন লাভ কৰাৰ পাছত তেওঁ উদ্ধৃতিৰ প্ৰশাসক হিচাপে দায়িত্ব পালন কৰে৷ ইয়াৰ লগতে ৱিকিমিডিয়া কমন্সত চন্দন চিৰিঙে ৬৩২ খন ছবি আৰু অন্যান্য নথি-পত্ৰ আপলোড কৰিছিল৷

চন্দন চিৰিং ফুকনে ২০১৯ চনৰ ২০ জুন তাৰিখে অসম চৰকাৰৰ ‘অসম ৰাজ্যিক গ্ৰামীণ জীৱিকা অভিযান’ বিভাগৰ বৰপেটা শাখাত ‘জিলা বিত্তীয় ব্যৱস্থাপক’ হিচাপে যোগদান কৰে৷ তিনি বছৰৰো অধিক কাল বৰপেটাত দায়িত্ব পালন কৰি তেওঁ ২০২৩ চনৰ জুলাই মাহত মাজুলীলৈ বদলি হয়৷ তাতেই তেওঁ স্বাস্থ্য অকস্মাৎ আৰু দ্ৰুতগতিত বেয়া হৈ পৰে৷ পৰৱৰ্তী তিনিটামান মাহ চিকিৎসাধীন হৈ ঘৰলৈ তেওঁ আহে যদিও নিয়তিয়ে তেওঁক পৃথিৱীত বেছি দিন থাকিবলৈ নিদিলে৷ ২০২৪ চনৰ ২৭ এপ্ৰিল তাৰিখে মাত্ৰ ৩৪ বছৰ বয়সতে চন্দন চিৰিং ফুকনে চিৰদিনৰ বাবে এই পৃথিৱীৰ পৰা বিদায় ল'লে৷

আজি তেওঁৰ প্ৰথম মৃত্যুবাৰ্ষিকীত শ্ৰদ্ধাৰে সুঁৱৰিছোঁ৷

চন্দন চিৰিং ফুকনৰ ব্লগ- https://niyorporoshchandan.blogspot.com/