Ռուսաստանում ծնելիության անկումը ուկրաինական պատերազմի և տնտեսական անորոշության հետևանք է

Իր նորագույն պատմության ընթացքում Ռուսաստանը բախվել է ժողովրդագրական ամենամեծ ճգնաժամին: Ծնելիության կտրուկ անկումն ի ցույց է դնում բազմաթիվ ռուսաստանցիների մոտ առաջացած մռավախությունը, թե ինչպես ընտանիք կազմել երկրում առկա քաղաքական ու տնտեսական անորոշ իրավիճակի պայմաններում:

Տասը տարի առաջ Ռուսաստանում տարեկան մոտ երկու միլիոն երեխա էր ծնվում։ 2023 թվականին, ըստ պաշտոնական տվյալների, նորածինների թիվը կրճատվել է գրեթե կիսով չափ՝ հասնելով 1 միլիոն 200 հազարի, ինչը ամենացածր ցուցանիշն է 1991 թվականից՝ Խորհրդային Միության փլուզումից ի վեր։

Այս թվերը վկայում են բազմաթիվ ռուսաստանցիների մոտ առկա մտահոգության մասին՝ ինչպե՞ս ընտանիք կազմել։

Սոցիոլոգների խոսքով, պատճառները մի քանիսն են:

Ապագայի նկատմամբ ռուսաստանցիների մոտ առկա հոռետեսությանը գումարվել է ուկրաինական պատերազմը: Օրինակ, դեղագործական շուկայի դիտորդների խոսքով, 2022 թվականից՝ լայնածավալ պատերազմի բռնկումից ի վեր, Ռուսաստանում աբորտի հաբերի պահանջարկն աճել է 60%-ով։

Այս ամենին ֆոնին՝ Կրեմլը խուսափում է հրապարակավ անդրադառնալ Ռուսաստանի ժողովրդագրական ճգնաժամի հետ կապված հարցերին։

Ծնելիության անկումը ստիպել է ռուսական իշխանություններին ընտանիքներին աջակցող ծրագրեր մշակել: Ռուսաստանի մի քանի նահագներում արգելվել է աբորտների իրականցումը մասնավոր կլինիկաներում։ Սակայն դիտորդները նշում են, որ նման քայլերը քիչ բան են փոխում ծնելիության հարցում, և իրավիճակը դժվար թե արմատապես փոխվի, քանի դեռ Ռուսաստանը պատերազմի մեջ է:

«Ամերիկայի Ձայն»-ը ԱՄՆ-ի միջազգային լրատվամիջոցներից ամենախոշոր կազմակերպությունն է, որն իր լուրերն ու հաղորդումներն է հեռարձակում 45 լեզուներով իր ընթերցողներին, ռադիոլսողներին ու հեռուստադիտողներին:

https://www.amerikayidzayn.com/
  / amerikayidzayn  
  / amerikayidzayn  
https://t.me/Amerikayidzayn
  / amerikayidzayn  

Rusastan Russia birth war paterazm