Скачать или смотреть सोयाबीन खोड अळी आणि चक्री भुंगा नियंत्रण | soybean girdle beetle | soybean stem fly

▶️ व्हिडीओमध्ये दिलेली कृषी उत्पादने खरेदी करण्यासाठी आता खाली दिलेल्या 👇🏼 लिंकवर क्लिक करा आणि 🥳 100% कॅशबॅकसह उत्पादन घरपोच मिळवा! 📢 कॅश ऑन डिलिव्हरी सुविधादेखील उपलब्ध!

👉लिंक - https://krushidukan.bharatagri.com/

====================================================================

👨‍🌾नमस्कार शेतकरी बांधवांनो! 🙏

🌱 भारतअ‍ॅग्री मध्ये आपले स्वागत आहे.

✅आजचा विषय - 🌱सोयाबीन खोड अळी आणि चक्री भुंगा नियंत्रण | soybean girdle beetle | soybean stem fly👍

सोयाबीन हे राज्याचे महत्त्वाचे खरिफ पीक असून बदलत्या हवामानामुळे या पिकांवर विविध किडींचा प्रादुर्भाव जाणवत आहे. सोयाबीन पिकातील अधिक उत्पादनासाठी सोयाबीन पिकाचे किडींपासून प्रभावी संरक्षण करणे गरजेचे झाले आहे.

1️⃣खोडमाशी : - खोडमाशी किडीचा प्रादुर्भाव सोयाबीनची उगवण झाल्यापासून कधीही होऊ शकतो. किडीच्या प्रौढ माशा चकचकीत काळ्या रंगाची असते. सोयाबीनचे रोप लहान असताना म्हणजे १५ ते २० दिवसांच्या आसपास जर झाडाचा शेंडा सुकून खाली झुकलेला आढळल्यास त्या झाडावर खोडमाशीचा प्रादुर्भाव झाला असण्याची शक्यता असते. असा शेंडा मधोमध कापल्यास आतमध्ये लहान पिवळी अळी जमिनीच्या बाजूने डोके असलेली म्हणजेच खालच्या दिशेने खोड पोखरत जात असलेली दिसते. त्यामुळे झाडाच्या वाढीवर विपरित परिणाम होतो. फुले व शेंगा कमी लागतात. खोडमाशीचा प्रादुर्भाव रोपावस्थेत झाल्यावर पूर्ण झाड वाळून जाते, त्यामुळे मोठया प्रमाणात नुकसान होते. रोप मोठे झाल्यावर या किडीचा प्रादुर्भाव झाल्यास मात्र तो लक्षात येत नाही. शेवटी फक्त प्रौढ माशी निघून गेलेले छिद्र फांदीच्या खोडावर दिसते.

2️⃣चक्री भुंगा : - या किडीचा प्रादुर्भाव सोयाबीनचे पीक साधारपणे 20 ते 25 दिवसांचे झाल्यानंतर सुरू होताना दिसतो. शेतात फिरताना झाडाचे एखादेच पान किंवा फांदी सुकलेले दिसते. पान फक्त सुकलेले असेल तर चक्रीभुंग्याने नुकतेच अंडे दिलेले असते, या किडीचा प्रौढ भुंगा फिकट तपकिरी रंगाचा असतो.. अंडी फिकट पिवळसर व लांबट आकराची असतात. अंडयातून ३ ते ४ दिवसानी अळी बाहेर पडते. लहान अळी पांढऱ्या रंगाची आणि पूर्ण वाढ झालेली अळी पिवळी व गोलाकार असते. अंडयातून अळी निघाल्यानंतर ती पानाचे देठ, खोड पोखरत खाली जमिनीकडे जाते. त्यामुळे खापेच्या वरील भाग सुकून नंतर वाळतो. चक्री भुंग्याच्या प्रादुर्भावामुळे शेंगा कमी लागतात व त्या पूर्ण भरत नाहीत. तसेच पीक काढणीच्यावेळी खापा केलेल्या जागून खोड तुटून पडते, त्यामुळे देखील नुकसान होते.

✅एकात्मिक व्यवस्थापन : -
1. सोयाबीन पेरणीपूर्वी शेताची उन्हाळ्यात खोल नांगरणी करावी. जमिनीतील किडीच्या अवस्था उष्णता, पक्षी यामुळे नष्ट होतात.
2. पेरणी जुलैच्या दुसऱ्या आठवड्यापर्यंत संपवावी.
3. प्रत्येक क्षेत्रामध्ये पाऊस झाल्यानंतर जास्तीत जास्त ८ दिवसांच्या आत पेरणी आटपावी.
4. शिफारशीप्रमाणेच नत्र खताची मात्रा द्यावी. अतिरिक्त मात्रा दिल्याने किडीचा प्रादूर्भाव वाढतो.
5. पेरणीसाठी कीड प्रतिकारक्षम वाणाचा वापर करावा.
6. पेरणीपूर्वी बुरशीनाशकासोबत थायोमिथोक्साम ३०% एफ.एस. १० मि.लि. प्रति किलो प्रमाणे बीजप्रक्रिया करावी. या बीजप्रक्रियेमुळे खोडमाशीसोबतच मावा, तुडतुडे, फुलकिडे व पांढऱ्या माशीच्याही नियंत्रणास मदत होते.
7. पेरणीनंतर १५ दिवसांनी पिवळे चिकट सापळे एकरी 10 या प्रमाणे साधारणपणे ८-१० मीटर अंतरावर लावावेत.
8. किडीच्या प्रादुर्भाव आटोक्यात ठेवण्यासाठी व संरक्षणासाठी १५ दिवसाचे अंतराने पुढील पैकी किटकनाशकांची आलटून पालटून फवारणी करावी.
9. पहिली फवारणी - पेरणी नंतर १५-२० दिवसांनी थायामिथोक्झाम (३० एफ. एस.) ४ मि.लि. किंवा थियामेथोक्सम + लैम्ब्डा साइहलोथ्रिन ८ मि.लि. प्रति १५ लिटर पंप. यामुळे खोडकिडीसोबतच चक्री भुंगा व रस शोषक किडीच्या नियंत्रणास मदत होईल.
10. दुसरी फवारणी ३० - ३५ दिवसानी थायक्लोप्रीड 21.7 एससी २५ मिली प्रति १५ लिटर पंप.
11. तिसरी फवारणी ४५ - ५० दिवसांनी क्लोरएन्ट्रानिलिप्रोल (१८.५ % एस. सी.) ६ मिली प्रति १५ लिटर पंप.
12. चौथी फवारणी ६० - ६५ दिवसांनी इमामेक्टिन बेंजोएट 5% एसजी १० ग्राम प्रति १५ लिटर पंप.

तुम्हाला हा व्हिडीओ 📱 आणि दिलेली माहिती कशी वाटली हे आम्हाला कमेंट मध्ये सांगायला 💁‍♂️ विसरू नका ! तसेच हा विडियो तुमच्या इतर शेतकरी मित्रांना देखील शेयर करा 👍

✅आमची इतर सोशल मीडिया पेजेस -

👉भारतअ‍ॅग्री ऍप - http://bit.ly/2ZyV2yl
👉फेसबुक हिन्दी - https://bit.ly/36KuGOe
👉फ़ेसबुक मराठी - https://bit.ly/36KuGOe
👉इंस्टाग्राम - https://bit.ly/3B9Ny8G
👉वेबसाइट - www.bharatagri.com
👉लिंक्ड इन - https://bit.ly/3TWtK0Z
👉भारतअ‍ॅग्री मराठी यूट्यूब चैनल - https://bit.ly/3Ryf3zt
👉भारतअ‍ॅग्री हिन्दी यूट्यूब चैनल - https://bit.ly/3L2cRxF

#bharatagri #agriculture #hindi #farming #bharatagrihindi #kisan #kheti #fasal