Скачать или смотреть તે મારો કાન ભરમાવ્યો (કીર્તન લખેલું છે) | લાઈક શેર સબ્સ્ક્રાઇબ

તે મારો કાન ભરમાવ્યો રે પાડોશણ તે મારો કાન ભરમાવ્યો (૨)
જશોદા એ ઝઘડો માંડ્યો રે પાડોશણ તે મારો કાન ભરમાવ્યો (૨)

મારો કાનો મારે મંદિરીયે રમતો (૨)
સાદ પાડી ગ્યો તારો સૈયો રે પાડોશણ તે મારો કાન ભરમાવ્યો (૨)

મારો તે કાનો બાળો ને ભોળો (૨)
ભોળો જાણીને ભરમાવ્યો રે પાડોશણ તે મારો કાન ભરમાવ્યો (૨)

મળતી મારગડે વાતે વળગતી (૨)
તું રે મોટી ને કાન નાનો રે પાડોશણ તે મારો કાન ભરમાવ્યો (૨)

મારે ઘરે ઘણા માખણ ને મીસરી (૨)
ચોરતા તે શીખવાડયો રે પાડોશણ તે મારો કાન ભરમાવ્યો (૨)

રમણ રેતીમાં રમવા લઈ જાતી (૨)
કેમ કેતી તી કાન કાળો રે પાડોશણ તે મારો કાન ભરમાવ્યો (૨)

જમના પાણી જાતી ત્યારે સાથે લઈ જાતી (૨)
નીર ઉડાડી ભીંજાવ્યો રે પાડોશણ તે મારો કાન ભરમાવ્યો (૨)

ગાયો ચારવાનું મારા કાના ને સોંપતી (૨)
ઉપરથી કેતી તી ગોવાળો રે પાડોશણ તે મારો કાન ભરમાવ્યો (૨)

બંસી બજાવે કાન સુર તું સાંભળે (૨)
ચાલે તો કેતી ચટકાળો રે પાડોશણ તે મારો કાન ભરમાવ્યો (૨)

તારે ઘેરે સાસુ ને તારે ઘેરે નણંદી (૨)
માધવને કેતી મસકાળો રે પાડોશણ તે મારો કાન ભરમાવ્યો (૨)

પૂછે ભરથાર તારો ભોંઠી નો પડતી (૨)
શ્યામ ને કેતી છોગાળો રે પાડોશણ તે મારો કાન ભરમાવ્યો (૨)

કુંજગલીમાં કાન ને રમવા બોલાવતી (૨)
ટોળે વળી રાસ રમાડ્યો રે પાડોશણ તે મારો કાન ભરમાવ્યો (૨)

મુંગટ ઉતારી ઉપર ઓઢણી ઓઢાડતી (૨)
તે એને ઘુંઘટ તણાવ્યો રે પાડોશણ તે મારો કાન ભરમાવ્યો (૨)

તિલક ભૂંસીને રૂડી ટીલડી લગાવતી (૨)
નાનો જાણી ને નચાવ્યો રે પાડોશણ તે મારો કાન ભરમાવ્યો (૨)

જશોદા એ ઝઘડો માંડ્યો રે પાડોશણ તે મારો કાન ભરમાવ્યો (૨)

પાડોશણ માતાજી ને પાયે રે પડ્યાં (૨)
રંગીલો લાગે છે રૂપાળો રે માતાજી મેં તારો કાન ભરમાવ્યો (૨)

તારો કાનો રે માડી પ્રાણ થકી પ્યારો (૨)
કાનો છે દેવનો દુલારો રે માતાજી મેં તારો કાન ભરમાવ્યો (૨)
જશોદા એ ઝઘડો માંડ્યો રે પાડોશણ મેં તારો રો કાન ભરમાવ્યો (૨)