Скачать или смотреть Wayang Golek GH2 Bangbang Panji Setra (Audio Kaset) - Ade Kosasih Sunarya

Tema : Upaya pelestarian kesenian wayang golek melalui media sosial.

Sinopsis awal carita :
Sinigeug, di karaton karajaan kajinan udar lautan, Prabu Gorda Sakéwu keur ngayakeun sinéwaka jeung Patih Gorda Seti ogé tokoh ti golongan manusa nyaéta Lurah Togog Téjamantri. Inti sawala nyaéta kahayang Sang Raja miboga bojo ti golongan manusa. Tina hasil pelengan batin Togog, wanoja nu rék dijadikeun bojona Sang Naléndra nyaéta Déwi Subadra bojona Adipati Arjuna. Saterusna raja méré pancén ka Patih Gorda Séti pikeun maling Déwi Subadra. Ngan diperjalanan, niat Patih Gorda Séti rék maling Subadra kacegat ku Gatotkaca. Waktu Gorda Séti rék ditunggel jangga ku Gatotkaca, teu kanyaohan ti anggalna Gorda Séti disalametkeun ku Gedéng Permoni ti Sétra Gandamayit.

Di tempat séjén, di Kadipatian Madukara, bojo Arjuna nu katilu nyaéta Déwi Windu Wulan keur ngadeg 9 bulan, waktuna rék ngalahirkeun. Dina hal ieu, bojo Arjuna nu kadua nyaéta Srikandi hayang marajian kalahiran jabang bayi Windu Wulan. Nya ngan kitu téa, aya waé gogoda ka nu rék ngalahirkeun téh. Gedéng Permoni nu geus lila nyidem dengdam ka Arjuna, malih warni ngawujud jadi Srikandi nu marajian Windu Wulan.

Jabang bayi ditukerkeun ku anak anjing bogana Dawala. Saprak apal yén Windu Wulan ngalahirkeun anak anjing, Arjuna murka. Antukna méré pancén ka Gatotkaca supaya maéhan Windu Wulan. Sedengkeun anak Windu Wulan dikukut ku raja lautan Naga Baruna nu dibéré ngaran Bangbang Panji Sétra.

Carios salajengna mangga bandungan dugi ka réngsé. Cag!