Sapfir eng qimmatbaho orzulardagi toshlardan biridir

Sapfir qadimgi Janubi -Sharqiy Osiyoning aholisiga ma'lum bo'lgan. Aynan ular birinchi bo'lib topilgan maftunkor to’q-ko'k rangli toshlarni korund deb atashni boshlagan. Korund - bu o'zining go'zalligi va ta'siri bilan jalb etadigan ishlov berilmagan qimmatbaho toshdir. Korundlarga ishlov berilganidan so’ng ular sapfirga aylanadi. Rivoyatlarni biriga ko'ra, "sapfir" toshining nomi qadimgi yunon sappheiros-dan kelib chiqqan bo'lib, u ko'k tosh deb ifodalanadi, ikkinchisiga ko'ra esa - qadimgi hind so’zi canipriya-dan chiqib, u "Saturn bilan sevilgan" deb tarjima qilingan. Tabiatda sariq, sabzi rang, yashil, pushti, ko'k va boshqa rangdagi sapfirlar ham uchraydi. Ular tarkibidagi aralashmalar bilan farq qiladi. Bu qimmatbaho toshning turlaridan - yulduzli sapfir deb nomlanganini alohida ta'kidlash joiz – u juda kam uchraydi va zargarlar hamda qimmatbaho toshlarni qadirlovchilar orasida yuqori baholanadi. 1 karat qirralangan ko'k sapfirning o'rtacha narxi (past sifatli va og’irligi 1 karatdan ortiq bo’lmasa) 60 dollargacha bo'lishi mumkin. Og'irligi 2 dan 5 karatgacha bo'lgan tosh bir karati uchun 900 dollargacha bo'lishi mumkin. Sifati yaxshi 1 karatli toshlar bir karati uchun 700 dollargacha turadi. Eng yaxshi sifatli sapfirlar, tanho deb ataladiganlarini 1 karati 3-4 ming dollargacha yetadi. Sifati eng zo’r, etalon deb tan olinganlari - Kashmir sapfirlaridir, ular o'z nomini qazib olingan joyidan - Kashmirdan bo’lib, eng qimmatbaho va eng chiroyli deb hisoblanadi. Sapfir samo toshi va kuchli koinot energiyasiga ega deb hisoblanadi. U har doim donolik, adolat, poklik va ma'naviyat ramzi bo'lgan. Ko‘plab madaniyatlarda sapfir ibodatxonalarning asosiy bezagi bo‘lib, kohinlarninrg bo‘yniga taqilardi va inson bilan ilohning birlashish timsoli hisoblanardi. O'zidan energiyani o'tkazib uni tozalash imkoniyatiga ega bo’lganligi tufayli, sapfir ko'pincha meditatsiyada ishlatiladi. Bu juda kuchli, ammo sokin energiyaga ega toshdir. Sapfir ehtiroslarni tinchlantirib, aql kuchini uyg'onishiga imkon beradi, ong va irodani mustahkamlaydi. Oilaviy hayotda sapfir sodiqlik, tinchlik va muhabbat timsoli bo’lib, xiyonat, g'iybat va tuhmatdan himoya qiladi. Sapfir ijodkorlar uchun juda yaxshi tosh deb hisoblanadi, u ularga o'z iste'dodlarini to'liq ochib berishga, yangi g'ayrioddiy yechimlarni topishga yordam beradi. Bu tosh bilimga bo'lgan ishtiyoqni uyg'otadi, xotirani va kontsentratsiyani yaxshilaydi.