වෙසක් කලාපය 2024 ලිවර්පූල් මහමෙව්නාව භාවනා අසපුව Vesak Festival 2024 Liverpool Asapuwa

නමෝ බුද්ධාය!

අපගේ භාග්‍යවත් බුදුරජාණන් වහන්සේගේ සම්බුදු උපත, ශ්‍රී සම්බුද්ධත්වය සහ පරිනිර්වාණය යන උතුම් ශ්‍රී සම්බුදු තෙමඟු‍ල නිමිති කරගනිමින් එංගලන්තයේ ලිවර්පූල් මහමෙව්නාව භාවනා අසපුව සංවිධානය කළ, ” ශ්‍රී බුද්ධ වර්ෂ 2568 අසිරිමත් වෙසක් මංගල්‍යය” බොහෝ දෙනා තම ජීවිතයට අනුස්මරණීය පුණ්‍ය ධර්මයන් රාශියක් රැස් කරගත් සො`දුරු පින්කම් මාලාවකි.

සිව්දිනක් පුරාවට පැවති මෙම අසිරිමත් පින්කම් මාලාව, ධර්ම දේශනා, සූත‍්‍ර සජ්ඣායනා, සම්බුද්ධ වන්දනා, බෝධි වන්දනා සහ සෑ වන්දනා ආදී උතුම් පුණ්‍ය ක්‍රියාවලින් පරිපූර්ණ විය. එමෙන්ම මනරම් වෙසක් තොරණ, අලංකාර පහන් කූඩුව හා නොයෙකුත් වෙසක් සැරසිලි ආදියෙන් ද, ළමා බොදු බැති ගී සහ වැඩිහිටි බොදු බැති ගී ප්‍රසංගයන්ගෙන්ද, දහම් පාසල් දරු දැරියන් විසින් ඉදිරිපත් කරන ලද බෞද්ධ නාට්‍යයන්ගෙන්ද සමලංකෘත වූ මෙම පින්කම් මාලාවෙහි සුවිශේෂී අංගයක් වූයේ පැමිණි සුවිශාල පිරිස වෙනුවෙන් සංවිධානය කර තිබූ දන්සැල්ය. කොත්තු රොටී, මඤ්ෙඤක්කා, ආප්ප, කඩල, හොට් චොක්ලට්, කිරි තේ ආදී නොයෙකුත් ආහාරපානයන්ගෙන් යුතු වූ මෙම දන්සැල්වලට පැමිණි කාහටත්, සුහදශීලි බවින් පොහොසත් මෙන්ම එකිනෙකා හට උදව් උපකාර කිරීමෙහිලාත්, ආගන්තුක සත්කාරයෙහිලාත් නොමසුරු හෙළ බොදු අනන්‍යතාවය මැනවින් අත්වි`දීමට හැකි විය.

මෙසේ විවිධාකාරයෙන් රැස් කර ගන්නා ලද සියලූ‍ පුණ්‍ය ධර්මයන්,

පින් කැමති සියලූ‍ දෙවියෝ අනුමෝදන් වෙත්වා! දිව්‍ය යස ඉසුරින් වැ‌ඩෙත්වා! උතුම් චතුරාර්ය සත්‍යය ධර්මය අවබෝධ කර ගැනීම පිණිස ම මේ සියලූ‍ පුණ්‍ය ධර්මයන් හේතු වාසනා වෙත්වා!

සියලූ‍ පුණ්‍ය ධර්මයන් අපහට ධර්ම විනය කියා දෙමින් මේ සියලූ‍ අවස්ථාවන් සලසා දෙන, සියලූ‍ මග පෙන්වීම් සිදු කරන, අපගේ පරම පූජනීය ගුරුදේවෝත්තම පින්වත් ලොකු ස්වාමීන් වහන්සේට අනුමෝදන් වේවා! නිදුක් නිරෝගී සුවපත්භාවය චිරජීවනය සැලසේවා! උතුම් චතුරාර්ය සත්‍යය ධර්මය අවබෝධ කර ගැනීමේ වාසනාව උදාවේවා!

සියලූ‍ පුණ්‍ය ධර්මයන් එංගලන්තයේ මහමෙව්නාව අසපුවල වැඩසිටි සහ දැනට වැඩ සිටින පින්වත් ස්වාමීන් වහන්සේලා ඇතුළු මහමෙව්නාවාසී,රටවාසී,ලෝකවාසී පිළිවෙත් පුරන සියලූ‍ පින්වත් ස්වාමීන් වහන්සේලාට අනුමෝදන් වෙත්වා! උතුම් චතුරාර්ය සත්‍යය ධර්මය අවබෝධ කර ගැනීමේ වාසනාව උදාවෙත්වා!

මේ සියලූ‍ පුණ්‍ය කටයුතු සඳහා තම ධනය, ශ්‍රමය, කාලය කැප කරමින් බොහෝ වෙහෙස මහන්සි වූ ලිවර්පූල් මහමෙව්නා අසපුවේ අභිවෘද්ධිය කැමති සියලූ‍ සැදැහැවතුන්ටද, සියලූ‍ දරු දැරියන්ටද, දැක බලා සතුටු වූ ඔබ සියලූ‍ දෙනාටද මේ සියලූ‍ පුණ්‍ය ධර්මයන් එකසේ අනුමෝදන් වෙත්වා! සියලූ‍ දෙනාට සියලූ‍ යහපත සැලසෙත්වා! උතුම් චතුරාර්ය සත්‍යය ධර්මය අවබෝධ කර ගැනීමේ වාසනාව උදාවෙත්වා!

තෙරුවන් සරණයි!
#vesak #festival #vesak2024 #celebration