អរហន្តប្រាំបួនទិសា និពន្ធដោយ ឧទេ្ទសាចារ្យ Po Piseth ប៉ូ ពិសិដ្ឋ

🌹ថ្វាយបង្គំព្រះអរហន្តទាំង៩ទិស🌹

🌹១. សូមថ្វាយបង្គំ អរហន្ត ប្រាំបួនទិសា
មានគុណអស្ចារ្យ ព្រះសម្មា សម្ពុទ្ធជាគ្រូ។
🌹២. សន្សំបារមី អសង្ខេយ្យ អស់កាលយូរ
សាវ័កជាគូ បរមគ្រូ សែនល្អម្ល៉េះទេ។
🌹៣. ព្រះកោណ្ឌញ្ញា ទិសបូព៌ា មហាត្ថេរ
ព្រះកស្សបត្ថេរ ទិសអគ្នេយ៍ ធុតង្គថ្លៃថ្លា។
🌹៤. ព្រះសារីបុត្រ ល្អបំផុត ផ្នែកបញ្ញា
ទក្សិណទិសា អរហន្តា ខាងស្តាំព្រះអង្គ។
🌹៥. ព្រះឧបាលី ទិសនិរតី វិន័យផ្ចង់
ព្រះអានន្ទគង់ ភ័ក្ត្រផូរផង់ បស្ចឹមបវរ។
🌹៦. គង់ទិសពាយ័ព្យ ប្រសើរគាប់ ព្រះខ្វាមករ
ព្រះមោគ្គលានោ ទិសឧត្តរ ឬទ្ធិខ្លាំងបំផុត។
🌹៧. ព្រះរាហុលបាន ទិសឥសាន្ត ល្អវិសុទ្ធ
រីព្រះសម្ពុទ្ធ កំពូលម្កុដ ផុតត្រៃលោកា។
🌹៨. គង់ទិសមជ្ឈិម ភ័ក្ត្រញញឹម ដោយមេត្តា
ព្រះអរហន្តា ប្រាំបួនទិសា ខ្ញុំសូមបង្គំ។