Скачать или смотреть Romina Radonshiqi flet per aktualitetin e ekonomise shqiptare ne Podcast me Jonen

Ekonomia shqiptare në 2026: Pensionet, tatimet, qiratë dhe pasuritë

Në këtë episod të “Podcast me Jonën” diskutojmë me ekonomisten Romina Radonshiqi për sfidat e familjeve shqiptare në kushtet e një ekonomie që po rrit çmimet, por jo pagat. Romina sqaron se njoftimet për rimbursime si “48.000 lekë për çdo fëmijë” nuk janë kthim i drejtpërdrejtë, por një bazë zbritëse që llogaritet nga sistemi dhe mund të rezultojë në përfitim minimal, në varësi të të ardhurave dhe detyrimeve të individit. Ajo thekson se shumë qytetarë nuk e kuptojnë këtë mekanizëm dhe mendojnë se do të marrin shuma fikse, prandaj duhet qartësi dhe informacion më i mirë nga shteti.

Tema e pensioneve dhe minimumit jetik ngre shqetësime të mëdha për jetesën e përditshme: pse nuk kemi një minimum jetik të përcaktuar? Romina shpjegon se mungesa e tij lidhet me kostot e larta për buxhetin e shtetit dhe një sistem që nuk e përballon një skemë të tillë. Në të njëjtën kohë, inflacioni dhe rritja e çmimeve kanë bërë që familjet të kursejnë nga ushqimi, të kequshqehen dhe të shmangin kujdesin shëndetësor, ndërsa pagesat dhe shërbimet e privatizuara shtojnë barrën mbi buxhetin familjar. Ajo nënvizon se pa zgjidhur problemet e tregut të punës dhe rritjen e pagave, as pensionet, as ndihmat nuk do të jenë të mjaftueshme.

Në lidhje me ekonominë e biznesit, Romina flet për “paqen fiskale” dhe rivlerësimin e pasurive të paluajtshme, duke shpjeguar se qeveria ofron falje detyrimesh dhe reduktim gjobash për biznese që kanë borxhe të vjetra, por kjo mund të sjellë probleme si pastrimi i parave dhe ndjesinë e padrejtësisë për bizneset që janë të rregullta. Ajo gjithashtu diskuton për kalimin drejt pagesave online dhe eliminimin e cash-it, duke theksuar se Shqipëria është larg, për shkak të informalitetit, mungesës së infrastrukturës dhe pasigurisë ndaj sulmeve kibernetike. Përfundimisht, ajo thekson se për të pasur një ekonomi më të drejtë dhe të qëndrueshme, duhet më shumë transparencë, edukim financiar dhe një fokus real në zhvillimin e tregut të punës dhe infrastrukturës, sidomos në zonat rurale.