Камчыбек Ташиев Азия кубогуна даярданып жаткан жаштар курамасы менен жолукту

КЫРГЫЗСТАНДЫН ЖАШТАР КУРАМА КОМАНДАСЫ АЗИЯ КУБОГУНУН ТАНДОО ОЮНДАРЫНА КЫЗУУ ДАЯРДЫК КӨРҮҮДӨ

Кыргызстандын футбол боюнча U-20 жаштар курама командасы окуу-машыгуу жыйынын 5-сентябрь күнүнө тарта өткөрүп келе жатат. Аталган жыйындын алкагында жаштар курамабыз Бишкектин Дөлөн Өмүрзаков стадионунда 25-сентябрда старт ала турган U-20 Азия Кубогунун тандап алуу оюндарына даярдык көрүшүүдө.

Эске салсак, биздин курама «I» тайпасында Жапония, Мьянма жана Түркмөнстан курамалары менен бирге жайгашкан. Бүгүн, 12-сентябрь күнү кураманын оюнчулары менен Кыргыз футбол биримдигинин Президенти Камчыбек Ташиев жолугуп, келе жаткан мелдешке ийгилик каалап, команданын Азия Кубогуна болгон жолдомону камсыздоосун тиледи.

Эскертсек, Мирлан Эшеновдун жетекчилиги алдындагы кураманын окуу-машыгуу жыйынына жалпы 29 оюнчу катышууда.