Скачать или смотреть TINALIKURAN NI DOMINIC ALMELOR ANG PAGIGING TV REPORTER PARA HANAPIN AT ISALBA ANG ANAK NA SI YÑIGO

Sa video na ito, makikita kung ano ang nangyari sa anak kong si Yñigo Santino Almelor mula nang iniwan siya ng kanyang ina.

Higit isa't kalahating taong itinago sa akin si Yñigo mula December 2017 hanggang sa madiskubre ko na lumipad na pala ng Amerika ang kanyang ina noong September 2018.

Pinagpasa-pasahan at ipinagkatiwala si Yñigo sa mga taong hindi naman kaano-ano at kadugo hanggang sa matunton at masagip ko siya nito lang June 2019.

Nang makuha ko si Yñigo, napakalayo ng itsura niya kumpara noong siya'y nasa pangangalaga ko. Bumagsak ang mukha at katawan at may sakit na primary complex.

Pero ilang buwan lang ang makalipas, gumaling si Yñigo at bumalik na ang kanyang dating sigla. Ginawa ko at patuloy na ginagawa ang lahat na INTERVENTIONS para manumbalik sa normal ang kanyang buhay at tuluyang maghilom.

Inaalay ko ang video na ito sa lahat ng mga may ginintuang puso na tumulong para makasama kong muli si Yñigo. Kung hindi dahil sainyo, baka ano na ang nangyari sa anak ko. Habambuhay kong tatanawin itong napakalaking utang na loob sa inyo. Makakasama ko at ng aking pamilya si Yñigo ngayong Pasko dahil sa tulong ninyo.

Inaalay ko din ito sa lahat ng AMA na hindi sumusuko para ipaglaban ang kanilang anak na mabigyan ng magandang buhay at kinabukasan. Nagpasya akong talikuran ang career ko bilang ABS-CBN NEWS REPORTER para ibuhos ang panahon para hanapin at isalba si Yñigo. Aanhin ko naman ang TV CAREER kung isang araw mababalitaan ko na lang na may masama na palang nangyari sa anak ko. Kung magkataon, HINDING HINDI KO MAPAPATAWAD ANG SARILI KO! Kaya hindi ko pinagsisisihan ang desisyon ko na talikuran ito alang-alang sa kapakanan at kaligtasan ni Yñigo.

Higit sa lahat, inaalay ko ang video na ito sa ating Panginoon dahil ginabayan niya ako, binigyan ng lakas at pag-asa, at Itinuro sa mga taong naging daan at tulay para mahanap at maisalba si Yñigo.

Ika nga ni Pastor Patrick Mercado, IF IT'S GOD'S WILL, IT WILL BE GOD'S BILL Maraming maraming salamat LORD GOD for all YOUR provision. YOU truly are an AMAZING WONDERFUL GOD.