Скачать или смотреть Vivekananda Kalvi Nilayam Matric School 33rd Annual Day Celebration-Dr. A.Kaliyamurthy IPS-Speech

09/02/2025 ஞாயிற்றுக்கிழமை கோயம்புத்தூர், பள்ளபாளையம், விவேகானந்த கல்வி நிலையம் மெட்ரிக்குலேஷன் பள்ளியின் 33-வது ஆண்டு விழா, ஸ்ரீ ராமகிருஷ்ண ஆஸ்ரமத்தின் 79-வது ஆண்டு விழா மற்றும் பகவான் ஸ்ரீ ராமகிருஷ்ண பரமஹம்சர் குருபூஜை விழா சிறப்பாக நடைபெற்றது.
காலை 8 மணியளவில் நிகழ்ச்சியின் துவக்கமாக, திருமூவர் ஊர்வலம் - திரு.V.K.சண்முகம் முன்னாள் தலைவர், பள்ளபாளையம் பேரூராட்சி அவர்களால் துவக்கி வைக்கப்பட்டது. பின்னர் சாக்தஸ்ரீ பஞ்சலிங்கேஸ்வர சுவாமிகள் (காமாட்சிபுரி ஆதினம்) காவிக்கொடி ஏற்றினார்; திரு.P.S.செல்வராஜ் தலைவர், பள்ளபாளையம் பேரூராட்சி அவர்களால் தேசியக்கொடி ஏற்றப்பட்டது.
அதன் பின்னர் மதிய நிகழ்வாக, திரு.P.K.சாமிநாதன் முன்னாள் தலைவர், பள்ளபாளையம் பேரூராட்சி அவர்களால் அன்னதானம் துவக்கிவைக்கப்பட்டது.
பின்னர் மாலை நிகழ்ச்சியின் தொடர்ச்சியாக விவேகானந்த கல்வி நிலையம் மெட்ரிக்குலேஷன் பள்ளி ஆண்டு விழா நடைபெற்றது. இதில், பள்ளித் தாளாளர் சுவாமினி சிவஞானப்பிரியாம்பா தலைமை வகித்தார், சிறப்பு விருந்தினராக Dr.A.கலியமூர்த்தி IPS (முன்னாள் காவல்துறைக் கண்காணிப்பாளர்) அவர்கள் கலந்து கொண்டு “மாணவர்களுக்கு அலைபேசியின் மூலம் ஏற்படும் பாதிப்புகள்; பெற்றோர்கள் இன்றைய சூழ்நிலையில் குழந்தைகளை எவ்வாறு வளர்க்க வேண்டும்?” என்பதைப்பற்றி சிந்திக்கவைக்கும் வகையில் சிறப்பு சொற்பொழிவாற்றினார். மேலும், இதில் பள்ளி முதல்வர் திருமதி.K.வனிதாமணி அவர்கள் வரவேற்புரை வழங்கினார்; சுவாமி ஆத்மராமானந்த ஆஸ்ரமச் செயலாளர், சுவாமினி சாரதேஸ்வரி பிரியாம்பா ஆஸ்ரமப் பொருளாளர், திரு.Er.S.பாலசந்திரன் RVS கல்விக்குழுமத்தின் முதன்மைப்பொறியாளர் மற்றும் பள்ளியின் இயக்குநர் திரு.S.சுந்தரநாதன் ஆகியோர் கலந்துகொண்டு விழாவினைச் சிறப்பித்தனர்.
நடனம், நாடகம் மற்றும் பேச்சு என அனைத்து கலை நிகழ்ச்சிகளிலும் திரளான மாணவ மாணவியர்கள் கலந்துகொண்டு, தங்களது திறமைகளை வெளிக்காட்டினர்.
இறுதியாக பள்ளி ஆசிரியை திருமதி.V.சுந்தரவள்ளி அவர்கள் நன்றியுரை வழங்க விழா சிறப்பாக நிறைவுற்றது.