Скачать или смотреть Tərkibində spirt olan ətirlərdən istifadə etməyin hökmü - Şeyx Suleyman Ruheyli

Tərkibində spirt olan ətirlərdən istifadə etməyin hökmü

Tərkibində spirt (alkoqol) olan Fransız, Almaniya və ya İtaliya ətirlərindən istifadə etmək haramdırmı?
Bu barədə alimlər ixtilaf etmişlər. Mənim doğru hesab etdiyim rəy odur ki, bu ətirlərdən istifadə etmək icazəlidir.
Çünki alkoqolu tibbdə istifadə etməyi qadağan edən alimlər deyirlər ki, alkoqol (spirt) nəcasətdir və buna görə də istifadəsi haramdır. Şəkk də yoxdur ki, bu rəy cumhur (əksər) alimlərin rəyidir. Şeyx Əmin (Əş-Şinqiti), rahiməhuLlah, bu rəyin az qala icma (yəni bütün alimlərin dediyi) olmasını nəql etmişdir. Lakin elə deyil.
Bu məsələdə doğru olanı odur ki, spirt (alkoqol) nəcasət deyil. Çünki sərxoşedici içkilərin haram olması haqda ayə nazil olduqdan sonra, səhabələr onlarda olan içkiləri Mədinə şəhərinin küçələrinə dağıtdılar və şəhərin yolları (içkiyə qərq olaraq), sanki günlərlə axar çaylara çevrilmişdir.

Məlumdur ki, müsəlmana insanların istifadə etdiyi yolda subaşına çıxmaq qadağandır. Necə ola bilər ki, alkoqol nəcis olduğu halda onu küçələrə töksünlər?! Bu, onun nəcasət olmamasına dəlalət edir.
Digər tərəfdən isə təcrübə əhli (yəni ətir işi ilə məşğul olanlar) deyirlər ki, ətirlərin tərkibində olan bu spirt uçub gedəndir, yəni paltarın üstündə qalmır. Spirt qabın içində olarkən faydalıdır, havaya çıxdıqda isə uçub gedir və yalnız ətrin qoxusu qalır. Bu halda, spirt nəcasət olsa da belə, ətir vurulduğu təqdirdə spirt paltara hopmur və onunla heç bir əlaqəsi olmur.
Başqa bir məsələ də odur ki, elm əhlindən spirti (alkoqolu) kəsb etməyi qadağan edir, çünki alkoqol sərxoşedicidir, o da, öz yerində qadağandır. Bunun cavabı belədir: o alkoqol ki, onun sərxoş etməkdən başqa faydası yoxdur, şəkk yoxdur ki, onu kəsb etmək də icazəli deyil. Lakin o hallar ki, onu başqa sahələrdə, məsələn tibbdə, istifadə edirlər, onu kəsb etmək hökmü qəsdə (niyyətə) qayıdır. Əgər kəsb edən onu sərxoşedici içki üçün edirsə, kəsbi haramdır, əks halda deyil və kim onu ətirlənmək üçün istifadə edərsə, günah etmir.
Xülasə olaraq, bu ətrlərin istifadəsi icazəlidir. Lakin ixtilafdan çıxmaq üçün çəkinmək daha əfzəldir.
Burda bir məsələyə diqqət yetirmək istəyirəm. Bəzi insanlar bu ətrlərin istifadəsini qadağan edir, özü istifadə etmir, istifadə edənləri də qınayır. Lakin eyni zamanda öz həyat yoldaşı üçün alır. Sanki, bu ətir kişilər üçün haram, qadınlar üçün isə halaldır. Bu, doğru deyildir. Haram olduğunu etiqad etsən, həm qadınlar, həm də kişilər üçün icazəli olmadığını etiqad etməlisən.

Elm əhli ilə elmə dəvət
  / elmedevet  
https://telegram.me/elmedevet
Abunə olun və müsəlmanlar arasında yayaraq xeyirə vəsilə olun!