Скачать или смотреть နဝရတ် (၉) ပါးမှာ ဘယ်လိုရတနာကျောက်အမျိုးအစားတွေပါဝင်လဲဆိုတာ ဒီ Video လေးမှာ ကြည့်လိုက်ကြရအောင်....

" နဝရတ် ကိုးပါး "
~~~~~~~~~~~

နဝရတ်ကိုးပါးဆိုသည်မှာ ထူးခြားသော စွမ်းရည်များရှိသည့် ကျောက်မျက်ရတနာ ( ၉ ) မျိုးကို ခေါ်ဆိုပါသည်။

နဝရတ်ဟူသည် နဝရတန ဟူသော ပါဠိမှလာ၍ ရတနာကိုးပါးဟု အနက်ရသည်။

နဝရတ်ကိုးပါး စီချယ်ထားသော လက်စွပ်ကို နဝရတ်လက်စွပ် ဟုခေါ်သည်။

လူတို့သည် နဝရတ် လက်စွပ်ကို ကျက်သရေမင်္ဂလာနှင့် ပြည့်စုံသည်ဟု ယုံကြည်၍ ဆင်ယင်လေ့ရှိသည်။

ရှေးပဝေသဏီကပင် ကျောက်မျက်များတွင် ထူးခြားသော စွမ်းရည်များ ရှိသည်ဟု လူတို့ အယူရှိခဲ့ကြသည်။

နဝရတ်လက်စွပ်သည် မြန်မာဘုရင်များ လက်ထက်တော်အခါက ချစ်သူနှစ်ဦး လက်ထပ်ထိမ်းမြားခြင်း မင်္ဂလာတွင် ရွှေခွက် ( သို့ ) ငွေခွက်ထဲတွင် နဝရတ်ကိုးပါး နှင့်

နံ့သာမျိုးငါးပါးသွေး၍ (သို့မဟုတ်) ရေမွှေးများထည့်၍ သတို့သား ၊ သတို့သမီးတို့၏

ဦးခေါင်းထိပ်ကို သပြေခက်ဖြင့် ပက်ဖြန်းကာ လက်ထပ်ထိမ်းမြားခြင်းကို ပြုလုပ်လေ့ရှိခဲ့သည်။

၎င်း ကျောက်မျက်ရတနာကိုးပါးလုံးသည် ကျောက်မျက်မျိုးတွင်ပါ၀င်သော စွမ်းအားရှိသည့် ရတနာများဖြစ်ကြသည်။

၎င်းတို့အနက် စိန် ၊ ပတ္တမြား ၊ မြ နှင့် နီလာတို့သည် အဖိုးတန်ဆုံး ဖြစ်ကြသည်။

ပုလဲ နှင့် သန္တာတို့သည် တွင်းထွက်ကျောက်မျက်များ မဟုတ်ပါ။

ပုလဲကို ကမာ (သို့မဟုတ်) မုတ်ကောင်၏ ကိုယ်တွင်းမှရရှိပြီး။

သန္တာကို သန္တာကောင်များရှိသော သန္တာကျောက်တန်းများမှ ရရှိသည်။

နီလာ နှင့် ပတ္တမြားမှာ ကျောက်မျက်အမာမျိုး တမျိုးတည်းပင်ဖြစ်၍ အသွေးအရောင်၌သာ ခြားနားခြင်း ရှိကြသည်။

ပတ္တမြားသည် သွေးကဲ့သို့ နီသော အရောင်ရှိ၍ နီလာသည် တောက်ပသော အပြာရောင်ရှိသည်။

စိန်ကို ကျောက်မျက်တို့၏ ဘုရင်ဟုပင် ခေါ်သည်။

ကျောက်မျက်အမျိုးပေါင်း ၁၂၀ ရှိသည့်အနက် စိန်သည် အမာဆုံးသော ကျောက်မျက်ဖြစ်သည်။

ကြောင်ကို ကြောင်မျက်ရွဲဟုလည်း ခေါ် ကြသည်။

မြတွင် ကြည်လင်စိမ်းမြသော အရောင်ရှိသည်။

သို့သော် စိန် ၊ နီလာ နှင့် ဥဿဖယားတို့လောက် မမာချေ။

ဂေါ်မုတ်သည် ကျောက်သလင်းနှင့်ရော၍ တွေ့ရတတ်သော ကျောက်မျိုးဖြစ်သည်။

အထက်ပါ ရတနာကိုးပါး စီခြယ်အပ်သော လက်စွပ်ကို နဝရတ်လက်စွပ်ဟု ခေါ်သည်။

ပဒေသရာဇ်ခေတ် မြန်မာဘုရင်များ၏ အသုံးအဆောင်များဖြစ်သော ကွမ်းအစ် ၊လက်စွပ် ၊ လည်ဆွဲကြိုး ၊ လက်ကောက် ၊ ဆံထုံးများတွင် နဝရတ်ကိုးပါး စီခြယ်ထားသည်ကို တွေ့ရှိရသည်ကို ကြည့်ခြင်းဖြင့် ရှေးခေတ်များတွင် ကျောက်မျက်များ၌ ထူးခြားသော အစွမ်းသတ္တိများရှိသည်ဟု လူတို့က အယူရှိခဲ့ကြသည်။

နဝရတ်တွင်ပါသော ကျောက်မျက်ရတနာ တစ်ပါးစီတွင်လည်း အစွမ်းအာနိသင်များ

ရှိကြသည်ဟု သိရပါသည်။

နဝရတ်ကိုးပါးတွင် တစ်မျိုးခြင်းစီ၏ အစွမ်းသတ္တိများကိုလည်း ဗဟုသုတရရှိစေရန်

ပြန်လည် မျှဝေပေးပါမည်။

နဝရတ်ကိုးပါး အစွမ်းသတ္တိများ...

၁ ။ ပတ္တမြား ( Ruby ) ဘုန်းကြီးခြင်း။

၂ ။ မြ ( Emerald ) အေးချမ်းမှု့ရှိခြင်း။

၃ ။ စိန် ( Diamond ) ဂုဏ်ပညာမြင့်မားခြင်း။

၄ ။ ကြောင် ( Cats eye stone ) ချစ်သူ ခင်သူများခြင်း။

၅ ။ နီလာ ( Sapphire ) မေတ္တာစွမ်းအား စူးရှခြင်း။

၆ ။ ဂေါ်မုတ် ( Zircon or Garnet ) ခွန်အားကြီးမားခြင်း။

၇ ။ ဥဿဖယား ( Topaz ) ကျန်းမာခြင်း။

၈။ သန္တာ ( Coral stone ) အကြီးအကဲဖြစ်ခြင်း။

၉ ။ ပုလဲ ( Pearl ) ကျက်သရေရှိခြင်း။

crd