Скачать или смотреть ព្រះសង្ឃពីរព្រះ​អង្គ ​កំពុងទទួលបានការ​ចាប់អារម្មណ៍​ពី​អ្នកលេង​បណ្ដាញសង្គម​កម្ពុជា

#ប្រាប់ដំណឹង #នេនសីហា #វនវាសីចន្ទមុនី
ព្រះសង្ឃពីរព្រះអង្គ កំពុងទទួលបានការចាប់អារម្មណ៍ពីអ្នកលេងបណ្ដាញសង្គមកម្ពុជា
រឿងរ៉ាវទី១ដែលបងប្អូនអ្នកលេងបណ្ដាញសង្គមចាប់អារម្មណ៍ខ្លាំងនោះគឺ ព្រះសង្ឃធុតង្គមួយអង្គគង់នៅវត្តមួយក្នុងស្រុករលាប្អៀរខេត្តកំពង់ឆ្នាំង ។ ព្រះអង្គទទួលបានការចាប់អារម្មណ៍ខ្លាំង បន្ទាប់ពីមានអ្នកលេងបណ្ដាញសង្គមទៅថតព្រះអង្គ និងជឿថាព្រះអង្គមានឬទ្ធិបារមីខ្លាំងពូកែ និងជាអ្នកមានបុណ្យឬទេវតាចាប់ជាតិ ។

បន្តបន្ទាប់មកទៀត រឿងរ៉ាវរបស់ព្រះអង្គ ក៏កាន់តែល្បី ហើយមានពុទ្ធបរិស័ទជិតឆ្ងាយជាច្រើន ទាំងនៅរាជធានីភ្នំពេញ និងបណ្ដាខេត្តនានាចូលទៅថ្វាយបង្គំ និងសុំសេចក្ដីសុខពីព្រះអង្គ និងជឿថាពេលបានជួបព្រះភ័ក្ត្រព្រះអង្គរួចហើយ នឹងធ្វើឱ្យពួកគាត់មានសេចក្ដីសុខ រកស៊ីមានបានត្រជាក់ត្រជុំក្នុងរង្វង់គ្រួសារ ។ រហូតមកដល់បច្ចុប្បន្ននេះ ពុទ្ធបរិស័ទជាច្រើនទៀតនៅតែបន្តធ្វើដំណើរទៅថ្វាយបង្គំព្រះអង្គជាបន្តបន្ទាប់ ។

រឿងរ៉ាវព្រះសង្ឃមួយអង្គទៀតដែលកំពុងល្បី និងទទួលបានការចាប់អារម្មណ៍ដែរនោះ គឺព្រះសង្ឃតូចលាង សីហា គង់នៅវត្តព្រៃថ្មី ក្នុងខេត្តកំពត ដែលមានព្រះជន្មទើបតែ៥ព្រះវស្សា ប៉ុន្តែព្រះសង្ឃតូចអង្គនេះ មានសង្ឃដីកាហូរដូចទឹក ស្ដាប់សង្ឃដីការព្រះអង្គដូចជាមនុស្សធំដូច្នោះដែរ ។

ព្រះសង្ឃតូចសីហា ត្រូវបានលោកអ៊ួន សារ៉ាត់ ដែលជាអ្នកមានឥទ្ធិពលក្នុងបណ្ដាញសង្គមក្នុងប្រទេសកម្ពុជាមួយរូប សម្ភាសន៍ព្រះអង្គដល់វត្ត ហើយវីដេអូនោះក៏មានអ្នកចែកចាយរាប់ម៉ឺនដង និងមានអ្នកទស្សនារាប់លាននាក់ ។

ព្រះសង្ឃតូចសីហា បានមានសង្ឃដីកាប៉ប៉ាច់ ប៉ប៉ោចជាមួយលោកអ៊ួនសារ៉ាត់ ដែលកម្រមានក្មេងណាអាចហ៊ានសន្ទនាជាមួយមនុស្សចាស់ដូចព្រះសង្ឃតូចនេះទេ ។ តាមពិតទៅព្រះសង្ឃតូចសីហា មានប្រវត្តិកម្សត់ណាស់ ដោយញោមបង្កើតរបស់ព្រះអង្គបានបាក់បែកគ្នា ទៅមានថ្មីរៀងខ្លួន ហើយទុកឱ្យព្រះអង្គនៅជាមួយជីដូនចាស់ ។ ដោយមើលឃើញពីទុក្ខលំបាករបស់ព្រះអង្គ ញោមប្រុស ( លោកឪពុក )បាននាំព្រះអង្គទៅនៅវត្តជាមួយព្រះតេជគុណ ឡុង សុភ័ក្ត្រ ដែលជាចៅអធិការរួចហើយក៏បានបួសជាសាណេរនៅព្រះជន្ម៥ព្រះវស្សា ។

ព្រះចៅអធិការបានសព្វព្រះទ័យជាមួយនឹងព្រះសង្ឃលាង សីហាខ្លាំងណាស់ ព្រោះថាព្រះសង្ឃមានប្រវត្តិកម្សត់ជាកូននេនដទៃទៀត ។អ្វីដែលពិសេសព្រះសង្ឃសីហា មានសង្ឃដីកាហូរដូចទឹក ជាសង្ឃដែលមានភាពវ័យឆ្លាយ អាចរៀនធម៌ឆាប់ចេះឆាប់ចាំ ថ្វីត្បិតតែព្រះសង្ឃតូចមិនទាន់ចេះអក្សរក្ដី ដោយគ្រាន់តែស្ដាប់លោកសង្ឃដទៃទៀតសូត្រក៏អាចសូត្របាន ៕