Скачать или смотреть Ұлттық банк базалық мөлшерлемені 18 пайыз деңгейінде қалдырды

Ұлттық банк базалық мөлшерлемені 18 пайыз деңгейінде қалдырды. Әрі ставка кемі алты ай төмендемеуі мүмкін. Өйткені инфляциялық қысым әлі де тым жоғары. Оған ішкі және сыртқы факторлардың ықпалы зор. Сондықтан, орнықты баяулау үрдісі қалыптаспайынша, ақша-кредит шарттары қатаңдатылуы ықтимал. Бірақ оны ауыздықтау үшін барымызды саламыз – дейді Ұлттық банк өкілдері. Яғни, алдағы екі жылда инфляция деңгейін 5 пайызға дейін түсірмек.
Ұлттық банк базалық мөлшерлемені сол қалпында сақтап қалды. Яғни, жаңа жылға 18 пайыздық ставкамен қадам басқалы тұрмыз. Оның бірнеше себебі бар. Ең бастысы – ел экономикасына инфляциялық қысымның төмендемеуі болып отыр. Дегенмен, Ұлттық банк төрағасы қазанда айлық инфляция 0,5 пайызға, базалық 1 пайызға баяулағанын айтты. Бірақ жылдық мәндегі көрсеткіш 12,2 пайызды құраған. Демек, тым жоғары.
ТИМУР СҮЛЕЙМЕНОВ, Қазақстан Ұлттық Банкінің Төрағасы:
Ол сұраныстың кеңеюіне және оның қарқынын отандық ұсыныс мүмкіндіктерінің жоғары сақталуына байланысты. Қазанда инфляция тұрғын үй коммуналдық қызмет тарифтерін әкімшілік төмендету есебінен біршама баяулады. Алайда базалық инфляция айтарлықтай төмендемеді. Азық-түлік пен азық-түлікке жатпайтын тауарлардың инфляциясы өсуін жалғастырды.
Әрі, сыртқы тәуекелдер де сақталып отыр. Мәселен, Ресейде инфляция қарқыны бәсеңдегенімен, болжалған 4 пайыздық нысанадан әлдеқайда асып түскен. Ал әлемдік азық-түлік бағасы құбылып тұр. Сондықтан, тежеуші ақша-кредит саясатын ұстап тұрудың маңызы артқан.
АҚЫЛЖАН БАЙМАҒАМБЕТОВ, ҚҰБ Төрағасының орынбасары:
Инфляция сәл баяулады. Бұл жақсы жаңалық. Алайда ол әлі де аса жоғары. Біздің мақсат – инфляцияны 5 процентке дейін төмендету. Сондықтан, біздің қатаң саясатты ұстана береміз. Себебі инфляцияны төмендету бүгінгі таңда басты міндет.
«Инфляцияның баяулауы – Ұлттық банк пен Үкіметтің бірлескен жұмыс нәтижесі» дейді Ақылжан Баймағамбетов. Оның пікірінше, базалық мөлшерлермені сақтап қалуға да ықпал еткен осы жайт. Демек, дәл қазіргі геосаяси шиелістер мен сауда даулары ушығып тұрған кезеңде инфляцияны ауыздықтамаса, халықтың осал топтарына ауыр тиеді. Сәйкесінше, бүгінгі шешімнің түпкі мақсаты – баға өсімін тежеп, азаматтардың табысын сақтау болып отыр.



#Информбюро #31арна #БастыЖаңалықтар #Новости #31канал