“ONUN HEKAYƏSİ ZƏHMƏTİN QƏLƏBƏSİDİR”

Ali məktəblərə qəbul imtahanlarında maksimum 700 bal toplayan Pərvin Əhmədova deyir ki, bu nəticəni əldə etmək üçün çox çalışıb: “1-ci sinifdən 11-ci sinifə qədər çox oxudum. Çalışdım ki, müəllimlərimin sevimlisinə çevrilim. Həm dərs oxumağımla, həm hərəkətlərimlə. Artıq televizorda göstərirdilər 700 bal yığanları. Mən deyirdim ki, vaxt olacaq məni də göstərəcəklər”.
Pərvin artıq öz arzusuna çatıb. İndi onun uğurundan ölkədə hamı danışır. Əslində, onun hekayəsi zəhmətin qələbəsidir. O, sübut etdi ki, imtahanda yüksək nəticələr göstərmək üçün “mütləq repititor yanında getmək lazımdır” deyə bir qayda yoxdur. Uğurun başlıca şərti - hədəfi müəyyənləşdirmək və onun üçün səylə çalışmaqdır.
Pərvin deyir ki, dərs oxumaq insanın özünü hər şeydən təcrid etməsi demək deyil. İstədiyin hər işlə məşğul ola bilərsən, yetər ki, oxumağına mane olmasın. Pərvin intellektual yarışlarda da aktiv iştirak edib.