#Գուրգեն_Սիմոնյան, #Օրակարգ, #OragirNews
Oragir.News-ի «Օրակարգ» հաղորդաշարի հյուրը Հայաստանի շնորհապետական կուսակցության վարչապետի թեկնածու, քաղաքագետ Գուրգեն Սիմոնյանն է։
Հաղորդաշարի շրջանակներում Սիմոնյանի հետ զրուցել ենք Իրանի դեմ ԱՄՆ-ի և Իսրայելի կողմից մղվող պատերազմի, Իրանի գերագույն առաջնորդին սպանելու հետևանքերի, Հայաստանի և ողջ տարածաշրջանի համար ստեղծված մարտահրավերների, ՀՀ-ում սպասվող խորհրդարանական ընտրությունների, դրանց իր մասնակցության պատճառների, համագործակցության հնարավոր և անհնարին ձևաչափերի, ուժերի դասավորվածության, հնարավոր իշխանափոխության դեպքում Նիկոլ Փաշինյանի ստանձնած պարտավորությունների ճակատագրի, քաղբանտարկյալների առկայության, Հայ առաքելական եկեղեցու դեմ իրականացվող արշավի, Հայաստանի հանդեպ Ռուսաստանի վարած քաղաքականության, Հայ-ռուսական համալսարանում դասավանդելու պատճառների, ինչպես նաև օրակարգային մի շարք այլ հարցերի վերաբերյալ։
Գուրգեն Սիմոնյանը բացառում է, որ ընտրություններից հետո կհամագործակցի Նիկոլ Փաշինյանի հետ և կնպաստի վերջինիս վերարտադրությանը։
«Բացառվում է՝ մենք Նիկոլ Փաշինյանին և «Քաղաքացիական պայմանագիր» կուսակցությանը որևէ կերպ միանանք։ Մեր գոյությունն էլ հենց դրանով է պայմանավորված, որ ներկայիս ուժը խաբեց ժողովրդին և հեղափոխության արժեքների, հռչակած արժեքների կապիտալիզացումը ձախողեց. փաստացի հեղափոխությունը վերածեցին իշխանափոխության։ Բացի այդ, այս իշխանությունը այն գիտակցությունը և գիտելիքները չունի, որ հասկանա, որ 2021 թվականի նախընտրական ծրագրերի մասին պետք է հիմա հաշվետվություն տա, և 2021 թվականի ընտրություններից հետո նրանց ձևավորած իշխանությունը և ժողովրդի վստահությունը ինդուլգենցիա չի, որ դու ինչ ուզենաս անես՝ ի հեճուկս քո խոստացածի, կամ հակառակը անես ծայրից ծայր»,- ասաց նա։
Սիմոնյանը նկատում է՝ Արցախի ղեկավարները պետք է Հայաստանի Հանրապետությունում դատվեն՝ չբացառելով, որ վերջիններս գուցե նաև արդարացվեն։ «Կան գերիներ, ռազմագերիներ, որոնք պետք է աներկբաորեն վերադարձվեն Հայաստանի Հանրապետություն, բոլորը անխտիր: Եվ կան բռնադատվածներ, որոնք դատվում են ադրբեջանական օրենքով, նրանք պետք է բոլորը վերադարձվեն Հայաստանի Հանրապետություն: Ես հանրայինի եթերում ասեցի՝ բոլորը պետք է դատվեն Հայաստանի Հանրապետությունում՝ այդ բռնադատվածները Ադրբեջանի, ռազմաքաղաքական ղեկավարները Արցախի, շատերը հասկացան, որ ես ասում եմ՝ պիտի պատժվեն։ Դատվելը դեռ չի նշանակում պատիժ: Դատական գործողությունների վերջնարդյունքում կարող է արդարացվում են, ինչ գիտենք: Ես հո դատավոր չեմ»։
Քաղաքագետը չբացառեց, որ Իրանը Երևանում ԱՄՆ դեսպանատանն էլ կարող է հարվածել։
Մանրամասները՝ https://oragir.news/hy/material/2026/...
Oragir.News-ին կարող եք հետևել նաև.
Telegram - https://t.me/oragir_news
Facebook - / oragir1
Facebook - / oragir.am
Instagram - / oragir.news
Tiktok - / oragir.news
Информация по комментариям в разработке