Скачать или смотреть 🔥 BWIZA YAGUYE MU MUTEGO W’IKIRURA! – Reba Ibyabaye 😱

#umugani #imiganiryoshye #burundi #Rwanda #imiganinyarwanda #ikiruranabwiza
Umugani w’Ikirura Na Bwiza
Habayeho umukobwa w'inkumi, akitwa Bwiza kandi akaba mwiza koko. Umuntu wese wamubonaga yumvaga amukunze ariko nyirakuru akamukunda by'akarusho.
Bukeye nyina aramubwira ati "Enda iyi fu n'uru rwabya rw'amavuta, ubishyire nyogokuru kandi ntutinde mu nzira cyangwa ngo urangare. Wibuke no kumuntahiriza."
Nyirakuru yari atuye hakurya y'ishyamba. Arigezemo ahura n'ikirura, kiriyoberanya, Bwiza ntiyabimenya, kimuramukije aracyikiriza. Kiramubaza kiti "Uragana he?" Aragisubiza ati "Ndajya kwa nyogokuru."
IKIRURA KITI- Umushyiriye se iki muri iyo nkangara?
BWIZA ATI- Mushyiriye ifu n'amavuta yo kujya arungisha.
IKIRURA KITI- Nyogokuru wawe atuye he?
BWIZA ATI- Atuye hakurya y'iri shyamba. Ni rwo rugo rwa mbere uhingukiraho.
Ikirura kiriyamirira kiti "Mbega umukobwa mwiza! Ariko se ndamuhabwa n'iki ko numva hafi abantu basa ibiti? Yewe, hinga nigendere." Taritari no kwa Nyirakuru wa Bwiza, kimutangayo, gihondagura ku rugi. Umukecuru abyumvise aravuga ati "Yewe!" Ikindi kiti "Ni Bwiza; nkuzaniye ifu n'amavuta." Umukecuru ati "Cyo injira nta mbaraga mfite zo kubyuka."
Ikirura kirakingura, kiraboneza no ku buriri kimumira bunguri, cyiryamira ku buriri bwe, kirimiramiza. Bwiza ngo agere kwa Nyirakuru asanga umuryango urangaye. Ati "Ko numva ibikoba binkuka!" Araboneza no ku buriri yorosora cya kinyamaswa agira ngo ni nyirakuru. Agize ngo arajya kumuramutsa yumva atari we akora. Cya kinyamaswa kimwirohaho kiramumira. Hanyuma kiriryamira kirasinzira; kiragona cyane kuko cyari cyijuse.
Umuhigi arahanyura, yumva umugono wacyo ati "Ni wa mukecuru w'aha ugona?" Ni bwo yinjiye mu nzu ku buriri asanga ari ikirura; icyo kinyagwa yari yaragihize, cyaramunaniye. Yanga kukirasa, maze yenda inkota ye, agisatura inda. Amaze kugisatura, asangamo wa mukecuru n'umwuzukuru we, abakuramo ari bazima na cyo kigwa aho.
Si njye wahera.
Niba Utarakora Subscribe Yikore Utazacikwa N’imigani Tuzabazaho Ubutaha, Waduha N’igitekerezo Muri Comments.

Uyu mugani wa "Ikirura na Bwiza" ufite amasomo menshi y’ingenzi mu buzima bwa buri munsi (Izi nama zigize uyu mugani zatanzwe na Artificial Intergence AI)
1.Kwirinda Uburangare no Kwitonda
Bwiza yahuye n’ikirura, arakiganiriza atabanje kugira amakenga. Ibi bitwigisha ko mu buzima tugomba kuba maso, ntitwihutire kwizerana n’abantu bose, kuko bamwe bashobora kuba bafite imigambi mibi.
2. Kwemera Inama z’Abakuru
Nyina wa Bwiza yari yamugiriye inama yo kudatinda mu nzira, ariko ntiyayubahirije neza. Uyu mugani utwibutsa ko inama z’ababyeyi n’abakuru ziba zifite impamvu, kandi kuzubahiriza bidufasha kwirinda ibibazo.
3. Kumenya Ko Isi Iriho Abantu Beza n’Abafite Imigambi Mibi
Nk'uko Bwiza yagize icyizere gikabije ku kirura, natwe mu buzima duhura n’abantu bafite imigambi itandukanye. Tugomba kwiga gutandukanya abanyakuri n’abashaka kudushuka.
4. Kumenya Ko Umuntu Atari Yenyine
Umuhigi yaje gutabara Bwiza na nyirakuru. Ibi bitwibutsa ko mu buzima dufite inshuti n’abavandimwe badufasha mu bibazo, bityo tugomba gukomeza umubano mwiza n’abandi.
5. Ibibi ntibihoraho – Hari Icyizere
Nubwo ikirura cyashoboye gushuka Bwiza no kugera ku mugambi mubi, byarangiye kihaburiye ubuzima, abantu basubirana amahoro. Uyu mugani utwigisha ko n’ibibazo bikomeye bishobora gushira iyo tugize ubwenge n’ubufatanye.
Murakoze.
video link:    • 🔥 BWIZA YAGUYE MU MUTEGO W’IKIRURA! – Reba...  

#umugani #imiganiryoshye #burundi #Rwanda #imiganinyarwanda #ikiruranabwiza #imiganiyakera