Скачать или смотреть «យុវសិស្សសុជាតិ» បទពាក្យ៨ ស្មូតបែបរាស់

កំណាព្យនេះចង់និយាយពីសិស្សម្នាក់មកពីជនបទ ខំប្រឹងរៀនសូត្ររហូតក្លាយជាសិស្សគំរូ។
១.សុជាតិជាសិស្សមកពីជនបទ
តស៊ូអំណត់នឹងការសិក្សា
ជាកូនកសិករស្រុកស្រែចម្ការ
ជីវភាពសោតណាមិនសូវធូរធារ។
២.មករៀនទីក្រុងក្នុងចិត្តមមៃ
ខ្លាចជួបគ្រោះភ័យឈឺគ្រុនរងា
ចិត្តមួយព្រួយគិតរឿងជ្រូកមាន់ទា
ម្តាយមិនសូវជាមេម៉ាយនៅផ្ទះ។
៣.តែបានតាំងចិត្តត្បិតថាមករៀន
ចំណេះជាស្ពានឈានបានរហ័ស
តស៊ូព្យាយាមក្បួនចែងថាឈ្នះ
ត្រូវហ៊ានលែងលះខ្លះៗកិច្ចការ។
៤.នៅថ្ងៃដំបូងពេលចូលទៅរៀន
សិស្សកូនអ្នកមានឫកគេហ៊ឺហា
រាងកាយថ្លោសៗសម្បុរភ្លឺថ្លា
ស្រស់ៗដូចផ្កាក្នុងឧទ្យាន។
៥.សុជាតិងាកបែរសម្លឹងឯខ្លួន
ប្រៀបដូចត្រកួនត្រែងរកទឹកគ្មាន
ស្ងួតក្រៀមកំព្រឹងឥតអំណោយទាន
ចិន្តាស្រេកឃ្លានចង់បានស្រស់ថ្លា។
៦.តែបញ្ហានេះពិតជាមិនថ្វី
រឿងគួរឱ្យភ័យគឺការសិក្សា
សុជាតិរិះគិតតែឯងឯកា
តើធ្វើយ៉ាងណាទើបរៀនពូកែ?
៧.គេសម្រេចចិត្តរៀបចំផែនការ
សម្រាប់សិក្សាត្រឹមត្រូវតាមខែ
រៀនសូត្រគ្រប់មុខទាំងគណិតខ្មែរ
អ្វីក៏រៀនដែរអង់គ្លេសភាសា។
៨.រៀនបានពូកែគ្រប់មុខវិជ្ជា
ល្បីឈ្មោះខ្ទ័រខ្ទារជាសិស្សឧស្សាហ៍
ម៉ោងរៀនគឺរៀនមិនដែលមុសា
ដឹងខ្លួនអាត្មាដើរលេងខកខាន។
៩.លទ្ធផលប្រពៃការសិក្សា
រួមទាំងឥរិយាបថចំណាន
ការប្តេជ្ញាធ្វើដោយក្លាហាន
ជាតិទទួលបានជាសិស្សគំរូ។
សភភាសាខ្មែរ ថ្នាក់ទី៨ មេរៀនទីទី៥ទំព័រ១១៦។