Скачать или смотреть كلمة امير قحطان سلطان بن خليل بن قرمله بمناسبة زيارته للمنطقة الجنوبية ورد الشيخ محمد بن كعبان عليه

بسم الله الرحمن الرحيم
قصيدة بمناسبة استضافة الشيخ محمد بن عبدالله بن كعبان لامير قحطان الشيخ / سلطان بن خليل بن قرمله القحطاني

عد البروق وعد ما انشى سحابه
واعداد ما ينبت على الارض ويعوم
واعداد من طاف الحرم واستعابه
واعداد من يسجد على الارض ويقوم
واعداد ما خط القلم .. بالكتابه
يا مرحبا .. ترحيبة الطيب .. وتدوم
باسم الشيوخ .. اقولها .. بالنيابه
اهل القناء والخيل والرمح والروم
الشيخ ابن كعبان .. سيف ونصابه
سيف" يقص العظم ما هو بمثلوم
الشيخ ابو ظافر .. محمد جوابه
يغني عن التفسير ويصير مفهوم
ومن راس شاعرها وباسم القرابه
ربعي هل العادات والطيب واسلوم
من روس همدان .. الفخر والمهابه
اللي لها التاريخ يشهد على الدوم
انكرر الترحيب .. باسم الذيابه
وباسم الصقور اللي لها في السماء حوم
وباسم الجنوب اللي تزاحم هضابه
وباسم الجبال الشمخ اللي به تزوم
الفرحه اكبر .. من قصيد وثوابه
اليوم له فرحة .. رقت كل مزموم
بيت الامارة .. والشرف .. والخطابه
زار الجنوب .. وصار له عندنا قوم
مثل الجحادر ..في رضاه ..وجنابه
العزوة اللي .. تفتخر به بلا لوم
يا ابو خليل .. ارحب .. تراحيب لابه
شوفتك .. زادتهم تباشير .. واعلوم
بقدومكم .. ظهران .. وسع رحابه
واهداكم الليله .. مع الورد يشموم
يابن الشجاع ..اللي موسم ركابه
تسرح وتمرح ما تعرض على السوم
الفارس .. اللي حل نجد ومشابه
يوم المعارك .. بين لاطم وملطوم
تسعين عام .. تحت حكمه .. تشابه
ما خلو العدوان .. تفرح ولا يوم
ساقوا له الجزيه .. من عمان جابه
حاكم عمان .. وكل خادم ومخدوم
والنعم يا قحطان .. يا اهل الحرابه
يا سادة الدنيا وساس العرب دوم
من غير نقص" في القبايل تجابه
بالنعم والنعمين .. غالي ومحشوم
ما همنا .. هرج الردي .. والزلابه
اللي حياته كلها .. حقد وسموم
حنا بكم مثل الجسد .. في ثيابه
في ضل حكام الوطن كلنا توم
اخوان في ذي الدار .. حراس بابه
عهدا علينا .. ما نخليه مقسوم
وحدة وطن .. تحت القيادة مهابه
تبقى ليوم الدين والعقد منظوم
من يوم وحدنا معزي .. نصابه
ما قد نقص في ضل حاكم ومحكوم
بعده عطاها سعود .. باول شبابه
واتخلفه فيصل .. وحقق بها حلوم
ثم آلت لخالد .. وخالد سما به
واعطى الامانه للفهد شيك مختوم
اللي على العدوان .. سلط عذابه
وراعي الفتن في داخل الدار مخزوم
بعده لعبدالله .. رسنها .. خذابه
في كل ميدان له اعمال وانجوم
بعده وقف سلمان في كل غابه
مثل الاسد والناس في امن واسلوم
سلمان .. سلمان العزم والصلابه
حر " معرب ساس ما يعرف النوم
وقف على كل المناشط .. رقابه
وارسل مناديبه ..على كل مكلوم
دون الوطن .. لعداه قد حد نابه
ومن دون جاره ثار فارس وزيزوم
لإجل اليمن وقف وحارب عصابه
وفي الشام منه صار بشار مهموم
وفي الشرق صوب ايران ركز صوابه
وفي الغرب مكن للبلد راي مبروم
من حكمته .. غذا .. محمد وجابه
القاطع .. البتار .. ما هو بمحروم
له هيبة " عظمى .. وله فكر نابه
رؤياه تثبت .. للمشكك .. به عزوم
العبقري .. اللي قراح" .. شرابه
الفكر صافي والهدف صار محسوم
ولي عهد المملكه .. لا غرابه
عليه .. حلم المملكة صار مرسوم
وصلاة ربي ع النبي والصحابه
ختم الكلام وكل ما قيل موسوم
الشاعر / معيض بن علي بن زايد ال سلمه الوادعي