It’s Showtime November 25, 2024 | Full Episode

Bakit sad ang beshie ko na ‘yan? Dahil ba Monday na naman?! Hindi kailangan na maging malungkot ang Lunes lalo na kung DonBelle ang panlaban sa stress! Ilabas ang malaking ngiti, para sa pagsisimula ng panibagong linggo, ikaw ay wagi.
Talagang nakaka-winner ang feeling ‘pag love is in the air! Kilig to max ang pambungad na regalo nina Donny Pangilinan at Belle Mariano. How to spot a red flag nga ba? Usapang ‘love is blind’ muna with DonBelle at Vice Ganda!
Napaaga ang birthday celebration ni Ion Perez! Ang ‘Showtime’ family, nagbigay ng mga sweet mensahe. Pati sina Donny at Belle, may birthday wish to tell.
Masigasig na naghahanapbuhay; sa trabaho at tahanan, lahat ay iaalay. Deserve nila ang appreciation at marinig ang mga kwento nilang magbibigay inspiration. Sila ang mga breadwinners, mga bayani ng kanilang pamilya. Kilalanin natin sila sa “And The Breadwinner Is,” ang bagong bersyon ng “TrabaHula.”
Sa segment na ‘to, kikilatisin ng celebrity players ang tatlong madlang workers at tutukuyin kung sino sa kanila ang tunay na hinahanap na breadwinner.
For today’s video, sina Donny Pangilinan at Belle Mariano ang maglalaro. May tatlong pagkakataon ang DonBelle para sipatin kung sino ang tunay at nagpapanggap–base sa pisikal na katangian, mga sagot sa isang katanungan, at mga kilos sa isang sitawasyon.
Matapos ang tatlong rounds ng pagkilatis, tinayaan ng DonBelle si trabahador number 3, na isa palang freelance host. Ang tunay na call center agent-breadwinner ay si worker number 2, Anna.
Bumaha ng luha nang ibahagi ni Anna ang kan’yang buhay breadwinner, na nagsimula noong nagkasakit ang ina at nag-asawa ang mga nakatatandang kapatid n’ya. Ang ama na inaasahan ay pumanaw na rin. Mula sa renta ng bahay hanggang sa pagkain, gamot ni nanay, pantustos sa pag-aaral ng kapatid, lahat-lahat ay pasan ni Anna sa kan’yang balikat.
Nagawa na rin niyang isantabi ang personal na kaligayahan para sa mga obligasyon na hindi kayang talikuran. Tinanggihan niya ang marriage proposal ng dating kasintahan dahil sa pamila na hindi kayang iwan.
At bilang reward sa selflessness at kasipagan ni Anna, nagbigay ang ‘It’s Showtime’ ng maagang pamasko. Maging sina Donny at Belle ay may iaabot na regalo.
Pangarap ay sisikaping abutin ng mga estudyan-tinig na palaban sa singing. Tunghayan ang naging laban nina Sarci at Lee Jansey sa “Tawag Ng Tanghalan The School Showdown.”
Confident na sumalang sa entablado ang pambato ng Visayas State University, Sarci Polea. Old school ang atake niya sa pagkanta ng “I’ll Never Fall In Love Again.” Fun, fun, fun naman ang kuwentuhan n’ya with Ryan Bang at Jackie Gonzaga, kasama pa sina MC at Lassy.
Mala-anghel kung ilarawan ni hurado Ogie Alcasid ang tinig ni Lee Jansey Carillo. Pero, pagkanta niya ng “Wala Na Talaga” ay nabilangan. Hanggang sa na-gong ang pambato ng Technological University of the Philippines. Bagama’t bigong masugkit ang golden mikropono, pinalakas naman nina hurado Ogie at Kean Cipriano ang loob ni Lee Jansey, at in-encourage siya na mas i-improve pa ang talent sa pagkanta.
Dahil na-gong si Lee, automatic nang itatanghal na daily winner si Sarci.

#ItsShowtime
#ItsShowtimeFamily
#AndTheBreadwinnerIsShowtime