|| श्री दत्त करुणा त्रिपदी || Datta Karunatripadi | R.N. Paradkar | Datta Guru Song | Bhakti Geet

🙏🏻श्री दत्त करुणा त्रिपदी ह्या विशेष संग्रहाचं आनंद घ्या 🙏🏻

आता सारेगामा मराठी चॅनेलला सब्सक्राईब करा आणि मराठी संगीताच्या आनंदाला आपल्या घरात आणा! 👉🏻   / @saregamamarathi   💜

Song: Karunatripadi
Artist: R.N. Paradkar
Music Director: R.N. Paradkar
Lyricist: Traditional

शांत हो श्रीगुरुदत्ता। मम चित्ता शमवी आता।।ध्रु।।
तू केवळ माता जनिता। सर्वथा तू हितकर्ता।।
तू आप्तस्वजन भ्राता। सर्वथा तूचि त्राता।।
भयकर्ता तू भयहर्ता। दंडधर्ता तू परिपाता।
तुजवाचुनि न दुजी वार्ता। तू आर्ता आश्रय दत्ता (आश्रयदाता) ।।
शांत हो । शांत हो श्रीगुरुदत्ता...... ।।१।।

अपराधास्तव गुरुनाथा। जरि दंडा धरिसी यथार्था।।
तरि आम्ही गाउनि गाथा। तव चरणीं नमवू माथा।।
तू तथापि दंडिसी देवा। कोणाचा मग करूं धावा?
सोडविता दुसरा तेव्हां। कोण दत्ता आम्हां त्राता?
शांत हो । शांत हो श्रीगुरुदत्ता...... ।।२।।

तू नटसा होउनि कोपी। दंडिताहि आम्ही पापी।
पुनरपिही चुकत तथापि। आम्हांवरी न च संतापी।।
गच्छतः स्खलनं क्वापि। असें मानुनि नच होऊ कोपी।
निजकृपा लेशा ओपी। आम्हांवरि तू भगवंता।।
शांत हो । शांत हो श्रीगुरुदत्ता...... ।।३।।

तव पदरीं असता ताता। आडमार्गीं पाऊल पडतां।
सांभाळुनि मार्गावरता। आणिता न दूजा (दुसरा) त्राता।
निजबिरुदा आणुनि चित्ता। तू पतितपावन दत्ता।
वळे आतां आम्हांवरता। करुणाघन तू गुरुनाथा।।
शांत हो । शांत हो श्रीगुरुदत्ता...... ।।४।।

सहकुटुंब सहपरिवार। दास आम्ही हें घरदार।
तव पदी अर्पू असार। संसाराहित हा भार।
परिहरिसी करुणासिंधो। तू दीनानाथ सुबन्‍धो।
आम्हां अघ लेश न बाधो। वासुदे-प्रार्थित दत्ता।।
शांत हो । शांत हो श्रीगुरुदत्ता...... ।।५।।

**************

श्रीगुरुदत्ता जय भगवंता। ते मन निष्ठुर न करी आता।।ध्रु।।
चोरे द्विजासी मारीता मन जे। कळवळले ते कळवळो आता।।
श्रीगुरुदत्ता जय भगवंता.....।।१।।
पोटशूळाने द्विज तडफडता। कळवळले ते कळवळो आता।।
श्रीगुरुदत्ता जय भगवंता.....।।२।।
द्विजसुत मरता वळले ते मन। हो की उदासीन न वळे आता।।
श्रीगुरुदत्ता जय भगवंता.....।।३।।
सतिपति मरता काकुळती येता। वळले ते मन न वळे की आता।।
श्रीगुरुदत्ता जय भगवंता.....।।४।।
श्रीगुरुदत्ता त्यजी निष्ठुरता। कोमल चित्ता वळवी आता।।
श्रीगुरुदत्ता जय भगवंता.....।।५।।

**************

जय करुणाघन निजजनजीवन। अनसूयानन्‍दन पाहि जनार्दन।।ध्रु।।
निज-अपराधे उफराटी दृष्टी। होऊनि पोटी भय धरू पावन।।१।।
जय करुणाघन .....।।
तू करुणाकर कधी आम्हांवर। रुसशी (रुससी) न किंकर-वरद-कृपाघन।।२।।
जय करुणाघन .....।।
वारी अपराध तू मायबाप। तव मनी कोप लेश न वामन।।३।।
जय करुणाघन .....।।
बालकापराधा गणे (गणीं) जरी माता। तरी कोण त्राता देईल जीवन।।४।।
जय करुणाघन .....।।
प्रार्थी वासुदेव पदी ठेवी भाव। पदी देवो ठाव देव अत्रिनन्‍दन।।५।।
जय करुणाघन .....।।
जय करुणाघन निजजनजीवन। अनसूयानन्‍दन पाहि जनार्दन।।ध्रु।।
जय करुणाघन ।।जय करुणाघन ।।जय करुणाघन ।।

#Karunatripadi
#dattaguru
#dattatreya
#मराठीगाणी
#Saregamamarathi
#MarathiSong
#Oldmarathisong
#Marathigani

Label- Saregama India Limited, A RPSG Group Company

For more videos log on & subscribe to our channel :
   / saregamamarathi  

To buy the original and virus free track, visit www.saregama.com

Follow us on -
Instagram:   / saregamamarathi  
Facebook:   / saregamamarathi2022  
Twitter:   / saregamaglobal