Скачать или смотреть රාවනා පිළිබඳව ලිපි ලියු ලේඛකයා නමින් රටක් වටිනා වැඩක් ....

මෙරට විසු කෘතහස්ත ලේකකයෙක්, පරේෂකයෙක් හා විවිධ ගවේෂණ අතර රාවණාගේ ඉතිහාසය පිළිබඳව ගවේශකයෙක් වන විදේශ රටවල විවිධ උපාධියන් ලබාගෙන සිටින ආචාර්ය මිරැන්ඩෝ ඔබේසේකරයානන් නමින් පල්ලේපොල සංස්කෘතික මධ්‍යස්ථානය පසුගිය (11) වන දින බුද්ධ ශාසන ආගමික හා සංස්කෘතික කටයුතු අමාත්‍ය විදුරවික්‍රමනායක අමාත්‍යවරයා විවෘත කළහ.
මිරැන්ඩෝ ඔබේසේකර මහතා ප්‍රාථමික අධ්‍යාපනය හදාරා ඇත්තේ කළුතර දිස්ත්‍රික්කයේ හෑගල්ලවිද්‍යාලයෙන් හා ද්වතීය අධ්‍යාපනය සඳහා කොළඹ ආනන්ද මහා විද්‍යාලයටත් ගොස් ඇති අතර උසස් අධ්‍යාපනය සඳහා ලන්ඩන් විශ්ව විද්‍යාලයෙන් ශාස්ත්‍රවේදී උපාදියත්, ලන්ඩන් විශ්ව විද්‍යාලයෙන් ශාස්ත්‍රපති උපාදියත්, කොලොන්බියා පැසිපික් විශ්ව විද්‍යාලයේ හා කැලිපෝනියා විශ්ව විද්‍යාලයෙන් දර්ශනශූරී උපාධියත් හදාරා තිබෙන බවයි.
ආචාර්ය මිරැන්ඩෝ ඔබේසේකරයානන් පොත් රාශියක් රචනා කර තිබෙනවා අතර රාවණා යළි නැගිටියි,
කන්ද උඩරට සමාජ සංවිධානය සහ ප්‍රභූවරු, ශ්‍රී ලංකාවේ පතාක, ශ්‍රි ලංකාවේ අලිඇතුන්ගේ ඉතිහාසය,
ශ්‍රි ලංකාවේ පුරාණ අංගම් ශාස්ත්‍රය, ශ්‍රී ලංකාවේ රාවණ අධිරාජයාගේ සංස්කෘතික ශ්‍රී ලංකාවේ ප්‍රාග් ඓතිහාසික උරුමය, ශ්‍රී ලංකාවේ වලව් නාමාවලිය, වශිෂ්ඨ මුණි, යක්ෂ ගෝත්‍රිකයේ, ශ්‍රී ලංකාවේ දේශපාලනය සහ කුල අභියෝග, බ්‍රාහ්මණයෝ පුරාණ ධජ, රාවණා අමරණීයයි හා ශ්‍රී ලංකාවේ පෘතුගීසි ආක්‍රමණයෙන් සිදු වු සමාජ පෙරළිය ඇතුළු තව පොත් රාශියක් ආචාර්ය මිරැන්ඩෝ ඔබේසේකරයානන් විසින් රචනා කර ඇත.
මෙම අවස්ථාවට පල්ලේපොල ශාසනාරක්ෂක බල මණ්ඩලයේ සභාපති, තලකිරියාව විහාරස්ථානයේ
විහාරාධිපති මංගල ස්වාමින් වහන්සේ, පල්ලේපොල ශාසනාරක්ෂක බල මණ්ඩලයේ ලේඛකාධිකාරි ඇහැලේපොල විහාරස්ථානයේ විහාරාධිපති පලාවත්තේ සෝනුත්තර ස්වාමින් වහසේ හා මිල්ලවාන මහා විද්‍යාලයේ විදුහල්පති ඔපල්ගල චන්දරතන ස්වාමින් වහ‍න්සේ. මාතලේ දිස්ත්‍රික් ලේකම් තේජානි තිලකරත්න මහත්මිය, පල්ලේපොල ප්‍රාදේශීය ලේකම් චාන්දනී ඒකනායක මෙනවිය. පල්ලේපොල ප්‍රාදේශීය සභාවේ හිටපු ප්‍රාදේශීය සභාපති ජගත් වසන්ත දිසානායක පල්ලේපොල ප්‍රාදේශීය සභාවේ ලේකම් ටී. ඩී පතිරාජ මහත්මිය, හා රජ්‍ය නිලධාරීන් හා නිලධාරිනියන් , ප්‍රදේශයේ කළාකරුවන් විශාල පිරිසක් සහභාගි විය.