ဂျပန်သွားဖို့ မဖြစ်မနေ သိသင့်တဲ့အချက် ၅ ချက် - BBC News မြန်မာ

အာဏာသိမ်းပြီး တစ်နှစ်ခွဲရှိလာချိန် မြန်မာနိုင်ငံမှာ အလုပ်လက်မဲ့ ဦးရေ သန်းနဲ့ချီ ရှိလာနေပြီး အထွေထွေအကျပ်အတည်းတွေကြားထဲမှာ လုံခြုံရေးအခြေအနေကြောင့်ရော အလုပ်အကိုင် အခွင့်အလမ်းနည်းပါးတာကြောင့်ပါ ပြည်ပနိုင်ငံတွေကိုထွက်ခွာလိုသူတွေ များပြားနေပါတယ်။
ဒီသြဂုတ်လဆန်းပိုင်းမှာပဲ ရန်ကုန်ရော မန္တလေးမှာပါ ဂျပန်ဘာသာအရည်အချင်းစစ် စာမေးပွဲခုအတွက် လျှောက်လွှာရောင်းချခဲ့ရာမှာ ဝယ်ယူသူများလို့ ရုန်းရင်းဆန်ခတ်ဖြစ်ပြီး ထိခိုက်ဒဏ်ရာရတဲ့အထိ ဖြစ်ခဲ့ပါတယ်။
ဘာကြောင့် ဂျပန်မှာ အလုပ်လုပ်ကိုင်ဖို့ပိုစိတ်ဝင်စားကြတာလဲ။ ဂျပန် ကခေါ်တဲ့ အလုပ်အကိုင်အရည်အချင်းသတ်မှတ်ချက်တွေကဘယ်လိုရှိလဲ။ ဂျပန်သွားဖို့ဘယ်လိုစာမေးပွဲတွေရှိနေလဲ။ ဂျပန်ပို့ပေးမယ်ဆိုတဲ့ သင်တန်းတွေ၊ ဖိတ်ခေါ်ကမ်းလှမ်းချက်တွေကိုဘယ်လိုသတိထားကာကွယ်နိုင်မလဲ။
ဂျပန်သွားပြီး အလုပ်လုပ်ကိုင်ချင်သူတွေ သိသင့်တဲ့အချက်တွေအကြောင်း မြန်မာ ပြည်ပအလုပ်အကိုင် ဝန်ဆောင်မှု လုပ်ငန်းရှင်များအဖွဲ့ချုပ် ( MOEAF ) ဒုတိယဥက္ကဌ ဦးကျော်ထင်ကျော်နဲ့ မညိုလဲ့ရည်မေးမြန်းထားပါတယ်။

ဘီဘီမြန်မာပိုင်း