Скачать или смотреть Manis Ɛemriwi di Canada (Ottawa-Gatineau: 26 Yebrir, Montréal: 27 Yebrir), USA (Philadelphia,5 Mayu)

MANIS ƐEMRIWI DI CANADA AKKED MARIKAN (USA)

Ilmend n tejmilt tagraɣlant i Manis Ɛemriwi imeddukal n AXXAM N TMUSNI akked unar aseklan ISEKKILEN suddsen-d timliliyin tiseklanin yid-s di Canada akked yiwunak n Marikan yedduklen (USA). Ad d-ilin isaragen, iskasiyen d uznuzu s ubudu n sin idlisen-is:

" Talalit-iw tis snat : Nezmer ad nedder d nukni " n Manis Ɛemriwi
" Renaissance et résilience : Mémoires d'une vie en mouvement ", tasuqqilt n Noufel Bouzeboudja.

AHIL :

Ass n 26 yebrir 2024 : Imeddukal n Axxam n Tmusni – Tuddsa Isekkilen di Ottawa-Gatineau (Canada). Timlilit, askasi, taɣuri, azenzu d ubudu akked Manis Ɛemriwi ɣef 18:00, tansa : Centre communautaire Bisson, Parc Bisson, 36-A Rue Thérien, Gatineau, QC, J8Y1H8.

Ass n 27 yebrir 2024 : Imeddukal n Axxam n Tmusni – Tuddsa Isekkilen di Montréal (Canada). Timlilit, askasi, taɣuri, azenzu d ubudu akked Manis Ɛemriwi ɣef 13:30, tansa : Collège Rosement, Amphithéatre B-541, 6400, 16ème Avenue, Montréal, QC.

Ass n 5 mayu 2024 : Imeddukal n Axxam n Tmusni – Tiddukla Tiwizi di Philadelphia (USA). Timlilit, askasi, taɣuri, azenzu d ubudu akked Manis Ɛemriwi ɣef 13:30, tansa : 1045 Church Street Green Lane PA 18054, USA.

ANWA-T MANIS ƐEMRIWI?

Mas Manis Ɛemriwi, imesbedded n tuddsa “ AXXAM N TMUSNI ” d yiwen umdan i iqedcen aṭas i Teqbaylit akked tmurt n yeqbayliyen, deg aṭas n temsal ad nader isya ɣer sdat. Ilul deg useggas n 1950 deg taddart At Yaḥya Musa, 20 ikilumitren deg unẓul-amalu n Tizi Wezzu, i d-yefkan irgazen d tlawin yettwasen icban agrawli Krim Belkacem, amaru Louni Hocine, tamarut Dalila Dalila Keddache-Chikh d unaddal Yacine Adli.
Manis Amrioui yella d anagi n sin imgura, win mgal tamharsa tafransist (1954-1962), wayeḍ win n igen azzayri n tlisa mgal tmurt iqbayliyen (FFS-1963). Yella d agrud mi igen n Fransa yewwet, ihud axxam nsen anda yemma-s tesruḥ afus-is. Ma yell d sin n watmaten-is ttwajerḥen, yiwen deg-sen d llufan, melmi kan i d-ilul. Dayen yeǧǧan tawacult-is truḥ tezdeɣ aqiḍun deg Laɛziv n Zaɛmum, umi fkan fransis isem n Haussovillers. Din Manis yekcem aɣerbaz amenzu.

Deg timunent n (Le)Zzayer, yekecm Manis ɣer tesnawit n Delles (s teqbaylit Tadllis) yettwasnen s "Lycée technique de Dellys". Isyin yewwin agerdas n BAC atiknik i t-yeǧǧan yunag ɣer tmurt n Lalman I waken ad ikemmel taɣuri-is deg tjenyurit (ingénierie). Mi yekfa kan yuɣal-d ɣer tmurt deg yiswi-s ad yettseki deg lebni n tmurt.

Mi yekfa servis aserdas ines, yekcem ɣer tkebanit tamikanit Sonacome n Berwagiya (Berrouaghia) akked Sidi Bel Abbes anda yuɣal d anemhak atiknik n wayen icudden ifarasen n tmikanikt n tkerza " Complexe de machinisme agricole ". Annect-a yella-d alama d aseggas n tefsut imaziɣen (1980). Imi iwala Manis ulac lebɣi asertan i wakken ad tili tegdut di tmurt n (Le)Zzayer, yefra-tt ad yuɣal ɣer Lalman anda isɛada 27 iseggasen deg unadi d ussermi expérimentation deg taɣult n tmacinin n wammad (récolte).

Deg uɣawas (plan) ines Manis yella yeheggi send-tastaɣt (Pré-retraite anticipée) mraw (10) iseggasen d acu i yezmer ad yexdem/imahel i tmurt taqbaylit s usefti n tedrimt-is. D annect-a i t-yeǧǧan deg useggas n 2010 yesbedd-d asenfar umi yefka isem " Axxam n Tmusni " i wakken ad yili d allal n yigerdan ad yeẓẓu deg-sen tamusni, mačči am uɣerbaz azzayri i yellan d adugmati, d asnaktan. D anesfar i d-yewwin lɣella di 6 iseggasen. Deg talit-a llan-d daɣen kra n tektiwin i d-yeslal Manis am tkerza deg udrar (Agriculture en montagne), tactelt (Initiation) n yigerdan ɣer tegzi tuḥrict (AI/Intelligence artificielle), imenɣin mgal n yijajiḥen n tmes (incendies) d useḥbiber n twenaḍt.

Deg useggas n 2016, adabu azzayri yemdel " Axxam n Tmusni " akken daɣen Monika, tameṭṭut n Manis, tettwaẓẓeɛ (expulsée) si tmurt, rnu tafgurt (Amende) i as-fkan i tsebba n wammud aruzrif (Exploitation illicite). War aḥbas, imi ur wezmir ad yekcem tamurt-is, Manis yerra-tt seg useggas n 2019 d asawen i welmad (ladɣa Tira) n tutlayt-is taqbaylit s wudem usnalmud n yiman-is (Autodidacte). Iswi-s i wakken ad yesawel tudert-is s tutlayt n tyemmat. Di tagara yewweḍ ɣer lebɣi-is imi deg Cutember n useggas 2023, yessuffeɣ-d adlis-is amezwaru, adlis n tudert (autobiographie) umi yefka azwel " Talalit-iw tis snat : Nezmer a nedder d nukni " n Manis Ɛemriwi. D adlis i d-yettwasuqqlen melmi kan seg teqbaylit ɣer tefransist sɣur umaru Noufel Bouzeboudja s wezwel " Renaissance et résilience : Mémoires d'une vie en mouvement ". Sin n yidlisen-a ffɣen-d ɣer teẓrigin "Axxam n tmusni" n yesseday Manis Ɛemriwi.
AMAZDAY IMEDDUKAL N " AXXAM N TMUSNI "
COLLECTIF LES AMIS DE " AXXAM N TMUSNI "