Ginekomastiya - kişiləri utandıran problem... - Dr.Hidayət Məmmədzadə

Ginekomastiya kişilərdə süd vəzinin bir və ya hər ikisinin məmə ucundan başlayaraq diffuz şəkildə qlandular toxuma hesabına böyüməsinə verilən bir addır. Gine - qadın, mastiya - süd vəzisi deməkdir. Yəni kişilərdə qadın tipli süd vəzilərinin böyüməsidir. Bunun çox çeşidli səbəbləri var. Bəzən fizioloji səbəbləri var. Yeni doğulmuş uşaqlarda, ərgənlik yaşına çatmış oğlan uşaqlarında və ya yaşlı kişilərdə süd vəzisi böyüyə bilər. Amma bunun altında yatan çox ciddi endokrin, hormonal, genetik sindromlar və xəstəliklər də ola bilər. Bütün hallarda ginekomastiya endokrinoloq tərəfindən dəqiq araşdırılmalıdır. Hətta ginekomastiya axtardığımız kişidə biz tez-tez süd vəzi şişləri, xaya xərçəngi belə tapa bilərik. Ona görə araşdırıldıqdan sonra bu xəstəyə uyğun müalicə tövsiyə edilir. Əgər psixoloji olaraq hər hansı bir problem yaratmırsa, böyümüş süd vəzisinin kişi sağlamlığına heç bir təsiri yoxdur. Amma kosmetik estetik defektlər yaratdığı zaman bu xəstəliyin müalicəsi cərrahidir. Bütün hallarda bu qərarın verilməsi və xəstənin araşdırılması, səbəbin tapılması həkim endokrinoloqun işidir.

#endokrinoloji #endokrinoloq #ginekomastiya