មានចំណេះ គឺមានលុយ - Knowledge is money - លោកគ្រូ សោម សម្បត្តិ

តម្លៃនៃចំណេះវិជ្ជា

ចំណេះវិជ្ជាល្អ ដូចម្តាយរក្សាកូនរាល់ថ្ងៃ
ចំណេះវិជ្ជា ប្រៀបដូចជាឪពុកដែលតែងតែរក្សាទុកដាក់កូនឱ្យមានប្រយោជន៏យ៉ាងណា អ្នកមានចំណេះវិជ្ជាក៏ដូច្នោះដែរ។ ចំណេះវិជ្ជាប្រៀបបីដូចជាប្រពន្ធស្អាត ហើយល្អត្រឹមត្រូវ ដែលតែងតែបំបោសអង្អែលថ្នាក់ថ្នមស្វាមីឱ្យធូរស្រាលពីទុក្ខលំបាករាល់ថ្ងៃយ៉ាងណា​ អ្នកដែលចំណេះវិជ្ជារមែងរក្សាបុគ្គលនោះឱ្យធូរស្បើយយ៉ាងនោះដែរ។
ចំណេះវិជ្ជាតែងនាំយកទ្រព្យសម្បតិ្តឱ្យដល់អ្នកមានចំណេះដឹងគ្រប់ទិនទិវារាត្រី។
ចំណេះវិជ្ជាដូចជាវល្លិ៍ប្រចាំកប្ប រមែងឱ្យសម្រេចសេចក្តីប្រាថ្នាគ្រប់យ៉ាងបាន។

ប្រសិនបើចែកទៅដល់កូនជាលុយ ជាប្រាក់ ដីធ្លី គង់តែថ្ងៃណាមួយទ្រព្យទាំងនោះនឹងអស់ ប្រសិនបើអ្នកបន្តវេនមិនចេះថែរក្សា មិនចេះការពារ ហើយយកទៅចាយវាយដោយពុំមានការពិចារណារ ប៉ុន្តែបើយើងចែកឱ្យកូននូវចំណេះដឹងៗនោះ គឺជាទ្រព្យសម្បត្តិនេះមិនចេះរីងស្ងួតហើយមានតម្លៃ និងកាន់តែមានតម្លៃនៅពេលដែលកូនខិតខំសិក្សារៀនសូត្រ ព្រោះការសិក្សារៀនសូត្រជាទ្រព្យសម្បត្តិមានតម្លៃដែលចាយមិនចេះចប់ និងមិនចេះអស់នោះទេ។

(ចំណេះវិជ្ជា គឺជាទ្រព្យសម្បត្តិដែលចាយមិនចេះអស់
កណ្តៀរមិនកោរ កណ្តុរមិនកាត់ ភ្លើងមិនឆេះ)
ចង់កសាងជាតិ ត្រូវកសាងចំណេះ ជំនាញមនុស្សជាមុនសិន