Скачать или смотреть ಅಗಣಿತಮಹಿಮೆಯ ನಗಲದವಿಭವನೆ | ಜಾಣರದೇವ || ಶ್ರೀ ಮನ್ ನಿಜಗುಣ ಶಿವಯೋಗಿ ||

ಅಗಣಿತಮಹಿಮೆಯ ನಗಲದವಿಭವನೆ | ಜಾಣರದೇವ || ಶ್ರೀ ಮನ್ ನಿಜಗುಣ ಶಿವಯೋಗಿ ||

ಶ್ರೀಮನ್ ನಿಜಗುಣ ಶಿವಯೋಗಿ ವಿರಚಿತ ಕೈವಲ್ಯ ಪದ್ಧತಿಯ ಶಿವ ಕಾರಣಿಯ ಸ್ಥಳದ ಶಿವನ ಭಕ್ತಿಯನ್ನು ಕಾಣುವಂತಹ ಪದವಾಗಿದೆ.

THANKS FOR WATCHING 🙏🙏

lyrics:

ಅಗಣಿತಮಹಿಮೆಯ ನಗಲದವಿಭವನೆ | ಜಾಣರದೇವ | ಸೊಗಸುವ ಸುಗುಣಸಂತತಿ ಗೂಡಿದಭವನೆ | ಜಾಣರದೇವ ॥ ಪ ||

ಪಿತಮಾತೆಯರೊಳೊಗೆಯದೆ ರೂಪುವೆತ್ತನೆ |
ಜಾಣರ ದೇವ
ಮತಿಯ ಹಂಗಿಲ್ಲದೆಲ್ಲವನರಿವಾತನೆ |
ಜಾಣರ ದೇವ
ಗತಿಗೆಳಸದೆ ನಿತ್ಯಮುಕ್ತನೆನಿಸಿದನೆ |
ಜಾಣರ ದೇವ
ಯತಿಗಳ ಲೋಚನಾಗ್ರದೊಳು ಸಂಚರಿಪನೆ |
ಜಾಣರ ದೇವ ||೧||

ತಿರಿದುಂಡು ಸಕಲಲೋಕವನಾಳ್ವ ಗರುವನೆ |
ಜಾಣರ ದೇವ ||
ವರನಿಗಮವನಸುಗತಿಯೊಳಗೊರೆದನೆ |
ಜಾಣರ ದೇವ||
ಸುರರ ಬಲುಹನೊಂದು ತೃಣದಿಂದೆ ಮುರಿದನೆ |
ಜಾಣರ ದೇವ ||
ಬರೆದ ಚಕ್ರದೊಳಸುರನ ಶಿರವರಿದನೆ |
ಜಾಣರ ದೇವ ||೨||

ಪೂಜಿಸದಾರನು ಪೂಜೆಗೊಂಬಧಿಕನೆ | ಜಾಣರ ದೇವ || ಮೂಜಗವೆಂಬ ನಾಟಕವನಾಡಿಸುವನೆ | ಜಾಣರ ದೇವ|| ರಾಜೀವನಾಭನು ವಧುವಾಗಲಾಳ್ದನೆ | ಜಾಣರ ದೇವ|| ಸೋಜಿಗದೊಡಲೊಳಾತ್ಮರ ಭೋಗವೀವನೆ | ಜಾಣರ ದೇವ ||೩||

ಕಾವನನುರುಹಿ ಕಾಮಿನಿಯೊಡವೆರದನೆ |ಜಾಣರ ದೇವ||ತೀವಿನಿಜಾನಂದದೊಳು ಮಿಕ್ಕು ಮೆರೆದನೆ | ಜಾಣರ ದೇವ ಜೀವರೊಳೆಡೆವಿಡದಿರ್ದು ಕಾಣಿಸದನೆ | ಜಾಣರ ದೇವ|| ಭಾವಿಸಲಾವುದನದರೊಳು ತೋರ್ಪನೆ | ಜಾಣರ ದೇವ||೪||

ಹರಿಯಜರುಗಳ ವಾದವನುಮಾಣಿಸಿದನೆ| ಜಾಣರದೇವ||
ಗರಳವಸೇವಿಸಿ ಮರಣವ ಗೆಲಿದನೆ | ಜಾಣರ ದೇವ||
ಶರಣಜನರ ಭವರುಜೆಗಾದಿವೈದ್ಯನೆ | ಜಾಣರ ದೇವ||
ಪರಿಭಾವಿಸಲು ಶಂಭುಲಿಂಗ ನೀನೋರ್ವನೆ | ಜಾಣರ ದೇವ|| ೫||