Скачать или смотреть ថ្ងៃទី២៨ សីហា៖ បានអត់ទោសឲ្យ ដោយយល់ដល់ព្រះនាមព្រះយេស៊ូវ

ថ្ងៃទី២៨ សីហា៖ បានអត់ទោសឲ្យ ដោយយល់ដល់ព្រះនាមព្រះយេស៊ូវ
----------------------------------------------------------
ឱព្រះយេហូវ៉ាអើយ សូមអត់ទោសការទុច្ចរិត ដ៏មានទំងន់របស់ទូលបង្គំផង ដោយយល់ដល់ព្រះនាមទ្រង់។(ទំនុកដំកើង ២៥:១១)
ព្រះទ្រង់ជ្រាបថា អ្វីត្រូវ អ្វីខុស ដូចនេះ ព្រះអង្គមិនឲ្យមានអំណាចអ្វី ដែលខ្ពស់ជាងព្រះអង្គឡើយ។ តម្លៃរបស់ព្រះអង្គ គឺជាតម្លៃដែលខ្ពស់បំផុត ក្នុងចក្រវាលនេះ។ ដូចនេះ ដើម្បីឲ្យព្រះអង្គធ្វើការអ្វីដែលត្រឹមត្រូវ នោះគឺមានន័យថា ព្រះអង្គត្រូវធ្វើអ្វី ដែលសមស្របនឹងតម្លៃដ៏ខ្ពស់បំផុតនោះ។
សេចក្តីសុចរិតរបស់ព្រះគឺជាភាពឧស្សាហ៍ ក្តីអំណរ និងភាពសប្បាយរីករាយ ដែលព្រះអង្គមាន នៅក្នុងអ្វីៗដែលមានតម្លៃបំផុត គឺភាពល្អឥតខ្ចោះ និងភាពសក្ដិសមរបស់ព្រះអង្គ។ បើព្រះអង្គប្រព្រឹត្តអ្វីដែលផ្ទុយនឹងបំណងព្រះទ័យដ៏អស់កល្បដែលព្រះអង្គមានចំពោះភាពល្អឥតខ្ចោះរបស់ព្រះអង្គ នោះមានន័យថា ព្រះអង្គមិនសុចរិត ឬជាអ្នកថ្វាយបង្គំរូបព្រះ។
តើហេតុអ្វីព្រះដ៏សុចរិតបានបង្ហាញសេចក្តីស្រឡាញ់មកលើមនុស្សមានបាប ដែលបានប្រមាថភាពល្អឥតខ្ចោះរបស់ព្រះអង្គ?
ប៉ុន្តែ ដំណឹងល្អមានភាពអស្ចារ្យ នៅត្រង់ចំណុចដែលថា នៅក្នុងសេចក្តីសុចរិតរបស់ព្រះអង្គ គឺមានមូលដ្ឋានគ្រឹះនៃសេចក្តីសង្រ្គោះរបស់យើង។
ព្រះវរបិតាអាចស្រឡាញ់ និងទទួលយកខ្ញុំ ក្នុងព្រះរាជបុត្រា ដោយយល់ដល់ព្រះរាជបុត្រា ព្រោះការសុគតរបស់ព្រះរាជបុត្រា គឺបានសបញ្ជាក់ថា ព្រះវរបិតាមានតម្លៃ និងសិរីល្អ។
អ្នកនិពន្ធបទគម្ពីរទំនុកដំកើង បានអធិស្ឋានថា “ឱព្រះយេហូវ៉ាអើយ សូមអត់ទោសការទុច្ចរិត ដ៏មានទំងន់របស់ទូលបង្គំផង ដោយយល់ដល់ព្រះនាមទ្រង់”(ទំនុកដំកើង ២៥:១១)។ ដោយសារព្រះគ្រីស្ទ នោះយើងអាចអធិស្ឋាន ដោយសារយល់ដឹងជាថ្មី អំពីការអធិស្ឋាននេះ។ គឺយល់ដឹងថា ដោយសារព្រះគ្រីស្ទ នោះយើងអធិស្ឋានថា “សូមអត់ទោសការទុច្ចរិត ដ៏មានទំងន់របស់ទូលបង្គំផង ដោយយល់ដល់ព្រះនាមព្រះយេស៊ូវ”។
បទគម្ពីរ ១យ៉ូហាន ២:១២ បាននិយាយសំដៅទៅលើព្រះយេស៊ូវយ៉ាងដូចនេះថា “កូនតូចៗ រាល់គ្នាអើយ ខ្ញុំសរសេរផ្ញើមកអ្នករាល់គ្នា ពីព្រោះទ្រង់បានអត់ទោសបាបរបស់អ្នករាល់គ្នាហើយ ដោយយល់ដល់ព្រះនាមទ្រង់”។ ព្រះយេស៊ូវបានលោះបាបយើង ហើយបានលើកដំកើងព្រះកិតិ្តនាមព្រះវរបិតា ដើម្បីឲ្យព្រះវរបិតា “អត់ទោសបាបឲ្យយើង ដោយយល់ដល់ព្រះនាមទ្រង់”។
ព្រះទ្រង់សុចរិត។ ព្រះអង្គមិនបានយកអំពើបាបរបស់មនុស្សទៅលាក់ទុកនោះឡើយ។ តែព្រះអង្គបានរំដោះពួកគេឲ្យរួចពីបាប តាមរយៈការសុគតរបស់ព្រះរាជបុត្រា ដែលបានលើកដំកើងសិរីល្អរបស់ព្រះវរបិតា។ នេះជាអ្វីដែលព្រះអង្គបានធ្វើ។ ដូចនេះ ពាក្យ “ដោយយល់ដល់ព្រះនាមទ្រង់” និង ពាក្យ “ដោយសារយល់ដល់ព្រះនាមព្រះយេស៊ូវ” គឺដូចគ្នាទេ។ ហេតុនេះហើយ យើងអធិស្ឋានសូមការអត់ទោសបាប ដោយទំនុកចិត្ត។
#Plovpit
#ផ្លូវពិត
#DirsiringGod
#JohnPiper
#សៀវភៅគ្រីស្ទាន
#SolidJoys