Скачать или смотреть အမေရိကန်နဲ့ အစ္စရေး အီရန်ကို စတင်တိုက်ခိုက်

ဒီကနေ့ ဖေဖော်ဝါရီလ ၂၈ရက်နေ့မှာ အမေရိကန်နဲ့ အစ္စရေးတို့က အီရန်ကို လေကြောင်းတိုက်ခိုက်မှုတွေ စတင်လုပ်ဆောင်လိုက်ပါတယ်။
ဒီတိုက်ခိုက်မှုကြောင့် အရှေ့အလယ်ပိုင်းဒေသမှာ စစ်ပွဲအခြေအနေ အသစ်တစ်ခု ဖြစ်လာပါတယ်။
သမ္မတ ဒိုနယ်လ် ထရမ့်ကတော့ ဒီတိုက်ခိုက်မှုဟာ အမေရိကန် လုံခြုံရေး အတွက် အန္တရာယ်ကို ဖယ်ရှားဖို့လုပ်တာလို့ ပြောပါတယ်။ တစ်ဖက်မှာလည်း အီရန်ပြည်သူတွေကို သူတို့အစိုးရကို ပြောင်းလဲနိုင်တဲ့ အခွင့်အရေးတစ်ခု ဖြစ်နိုင်တယ်လို့ ပြောခဲ့ပါတယ်။
အီရန်ဘက်ကလည်းအစ္စရေးဘက်ကို ဒုံးကျည် တွေ ပစ်ခတ်ခဲ့တယ်လို့ အစ္စရေးစစ်တပ်က ဆိုပါတယ်။
အမေရိကန် ကာကွယ်ရေးဝန်ကြီးဌာနကတော့ ဒီစစ်ဆင်ရေးကို “OPERATION EPIC FURY” လို့ နာမည်ပေးထားတယ်လို့ ပြောပါတယ်။
ဒီတင်းမာမှုအသစ်ကြောင့် အီရန်နဲ့ အနောက်နိုင်ငံတွေကြား နျူကလီးယားကိစ္စကို သံတမန်နည်းလမ်းနဲ့ ဖြေရှင်းနိုင်မယ့် မျှော်လင့်ချက်တွေ ပိုပြီး လျော့နည်းလာနိုင်တယ်လို့ ခန့်မှန်းထားပါတယ်။
ထရမ့်က လူမှုမီဒီယာမှာ တင်ထားတဲ့ ဗီဒီယိုမိန့်ခွန်းထဲမှာ ၁၉၇၉ ခုနှစ်က တီဟရန်ရှိ အမေရိကန်သံရုံးကို သိမ်းပိုက်ပြီး အမေရိကန် ၅၂ ယောက်ကို ၄၄၄ ရက်ကြာ ဖမ်းဆီးထားခဲ့တဲ့ ဖြစ်ရပ်ကို ပြန်လည်ကိုးကားပြောခဲ့ပါတယ်။
အဲဒီအချိန်က အစ္စလာမ်တော်လှန်ရေးကြောင့် ဘာသာရေးခေါင်းဆောင်တွေ အာဏာရလာခဲ့တာလည်း ပါဝင်ပါတယ်။ ထို့ပြင် အမေရိကန်ဘက်က အီရန်အပေါ် စွပ်စွဲထားတဲ့ တိုက်ခိုက်မှုအမျိုးမျိုးကိုလည်း ပြောခဲ့ပါတယ်။
သူက “ဗုံးတွေ နေရာအနှံ့ ကျလာမယ်” လို့ ပြောပြီး အီရန်ပြည်သူတွေကို လုံခြုံရာနေရာမှာ နေဖို့ တိုက်တွန်းခဲ့ပါတယ်။ ဒါပေမယ့် “ကျွန်တော်တို့ အပြီးသတ်ပြီးရင် သင်တို့အစိုးရကို သင်တို့ကိုယ်တိုင် ရယူနိုင်တယ်။ ဒီအခွင့်အရေးက မျိုးဆက်ပေါင်းများစွာအတွင်း တစ်ကြိမ်ပဲ ရနိုင်မယ့် အခွင့်အရေး ဖြစ်နိုင်တယ်” လို့လည်း ထပ်ပြောခဲ့ပါတယ်။
အမည်မဖော်လိုတဲ့ အမေရိကန်အရာရှိ ၂ ယောက်အဆိုအရ အမေရိကန်စစ်တပ်က အီရန်နိုင်ငံအတွင်းမှာရှိတဲ့ ပစ်မှတ်တွေကို လေကြောင်းနဲ့ ရေကြောင်းကနေ တိုက်ခိုက်မှုတွေ ရက်အတော်ကြာ ဆက်လုပ်သွားမယ်လို့ ပြောပါတယ်။
အီရန်ဘက်ကလည်း ပြင်းထန်တဲ့ ပြန်လည်တုံ့ပြန်မှုအတွက် ပြင်ဆင်နေတယ်လို့ သတင်းရင်းမြစ်တစ်ခုက ပြောပါတယ်။
အစ္စရေး ဝန်ကြီးချုပ် ဘင်ဂျမင် နက်တန်ယာဟုကလည်း ဒီပူးပေါင်းတိုက်ခိုက်မှုဟာ အီရန်ပြည်သူတွေ သူတို့ရဲ့ အနာဂတ်ကို ကိုယ်တိုင် ဆုံးဖြတ်နိုင်အောင် အခြေအနေ ဖန်တီးပေးမယ်လို့ ပြောပါတယ်။
“အာဏာရှင်စနစ်ကို ဖယ်ရှားပြီး လွတ်လပ်ပြီး ငြိမ်းချမ်းရေးချစ်မြတ်နိုးတဲ့ အီရန်တစ်နိုင်ငံ ဖြစ်လာဖို့ အချိန်ရောက်ပြီ” လို့ ဆိုပါတယ်။
သတင်းရင်းမြစ်တစ်ခုအရ အီရန်ရဲ့ အထွတ်အထိပ်ခေါင်းဆောင် အယာတိုလာ အလီ ခါမေနေီဟာ တီဟရန်မြို့မှာ မရှိတော့ဘဲ လုံခြုံတဲ့ နေရာတစ်ခုမှာ ပြောင်းရွှေ့နေထိုင်နေတယ်လို့ သိရပါတယ်။
အစ္စရေး ကာကွယ်ရေးအရာရှိတစ်ယောက်အဆိုအရ ဒီစစ်ဆင်ရေးကို လအတော်ကြာ စီစဉ်ထားခဲ့ပြီး ဝါရှင်တန်နဲ့ ညှိနှိုင်းထားပါတယ်။ စတင်မယ့်ရက်ကိုလည်း ရက်သတ်တပါတ် အနည်းငယ်ကတည်းက ကြိုတင် ဆုံးဖြတ်ထားတယ်လို့ ဆိုပါတယ်။
အီရန်က တိုက်ခိုက်ခံရရင် ကိုယ်ကို ကို ကာကွယ်မယ်လို့ ပြောထားပြီး အမေရိကန်စစ်တပ် တပ်စွဲထားတဲ့ အိမ်နီးချင်းနိုင်ငံတွေက စစ်အခြေစိုက် စခန်းတွေကိုလည်း ပြန်လည်တိုက်ခိုက်နိုင်တယ်လို့ သတိပေးထားပါတယ်။
#whathappened
#အမေရိကန်
#အီရန်
#အစ္စရေး
#နိုင်ငံတကာသတင်း