Саши Заифи. Фукта соз сод

Фук та соз суд
Фук та соз суд аз духойи пир
Винд ви юхк ви бунард насуд гир
Ат вадо хипах сафеден,
Аз маш вав фувчин умеден -
Ху нусч ви буненти ку веф фир.
Фук та соз суд аз духойи дод.
Вийи духман тир аз аз зибо дод
Ба'д ик вав веф ца римоден,
Ху вав маш доден ца доден
Винтен царанген маш доден мод...
Фук та соз суд аз духойи ях
Яйи ичирд надод ху дил тах.
Йайи хурд хатто вирод фамт
Арчицайи ви зиед фамт
Ба'д вирод чат ца тойд ар дузах
Фук та соз суд, фук та соз суд
Фук та соз суд -ун магам
Йи ракам най, йи ракам
Ястам нистам виям навиям...
Ба'д нафам...
Хай ку вет диям игаят
Фук та соз суд...
Фук та соз суд аз духойи хок
Виям арцунд ар чо ца дод чок,
Йуйи на ухха на ор чуд,
Нагайе якбор губор чуд
Йу бе чун хинрангат, намнок..
Фукта соз суд аз духойи жир
Вами якбор каш ца начуд хир..
Аррангца маш дил чино йа,
Хахат терата шито йа.
Яст ик ди мани вид ку такдир?
Фук та соз суд аз духойи му
Ай дарег му гапат нафамт ту!
Вахт та евд тута чавоби
Зиерат аз му китоби
Зи гитар ху нават хубаф лу -
Фук та соз суд....