Скачать или смотреть MWILI WA ASKOFU SENDORO ALIYEFARIKI KWA AJALI WAAGWA MWANGA

Vilio na simanzi vimetawala kwa mamia ya waombolezaji waliofika katika Kanisa Kuu la Mwanga, Dayosisi ya Mwanga ya Kanisa la Kiinjili la Kilutheri Tanzania, baada ya mwili wa aliyekuwa Askofu wa dayosisi hiyo, Chediel Sendoro ukifikishwa kanisani hapo kufanyika ibada ya kuuaga.
Mwili huo kabla ya kufikishwa kanisani hapo, ulipelekwa nyumbani kwao eneo la Kileo na wazazi wake na waombolezaji wengine walipata fursa ya kuuaga.
Baada ya kutolewa Kileo, mwili ulipelekwa katika makazi ya askofu huyo Mwanga ambako mkewe, familia na waombolezaji wengine walipata fursa ya kuaga na kisha kupelekwa Kanisa Kuu Mwanga ambako kutafanyika ibada ya kuuaga.
Askofu Sendoro alifariki dunia Septemba 9, 2024 kwa ajali ya gari iliyotokea eneo la Kisangiro, Wilaya ya Mwanga, mkoani Kilimanjaro, baada ya gari alilokuwa akiendesha aina ya Toyota Prado, akitokea Kileo kuelekea nyumbani Mwanga kugongana uso kwa uso na lori.
Baadhi ya waumini na waombolezaji wameshindwa kujizuia kulia wakati mwili huo ukiingizwa kanisani na wakati wakipita kutoa heshima za mwisho.