တကၠသိုလ္ဝင္စာေမးပြဲ အမွတ္စာရင္း မနက္ျဖန္ထြက္မယ္

ဇွန်-၉၊၂၀၁၉

၂၀၁၉ခုနှစ် တက္ကသိုလ်ဝင်စာမေးပွဲအမှတ်စာရင်းတွေကို မနက်ဖြန် ဇွန်လ(၁၀)ရက်မှာ ထုတ်ပေးနိုင်ဖို့ စီစဉ်နေတယ်လို့ မြန်မာနိုင်ငံစာစစ်ဦးစီးဌာနမှ သတင်းရရှိပါတယ်။

တစ်နိုင်ငံလုံးက တက္ကသိုလ်ဝင်စာမေးပွဲ အမှတ်စာရင်းတွေကို
မြန်မာနိုင်ငံစာစစ်ဦးစီးဌာန ရန်ကုန်ရုံးခွဲ(လှိုင်တက္ကသိုလ်နယ်မြေ)နဲ့ နေပြည်တော် ရုံးအမှတ်(၅၂)မှာ ထုတ်ပေးမှာဖြစ်ပါတယ်။အ

မှတ်စာရင်းတွေကို ဖြေဆိုသူကိုယ်တိုင်လာရောက်ထုတ်ယူနိုင်ပြီး ကိုယ်စားထုတ်ယူပါက ဖြေဆိုသူရဲ့ နာမည်နဲ့ခုံနံပတ်မှန်ကန်ဖို့လိုအပ်တယ်လို့ သိရပါတယ်။

အမှတ်စာရင်းထုတ်ယူရမှာ ကြန့်ကြာမှုမရှိစေဖို့အတွက် တန်းစီစနစ်နဲ့ စနစ်တကျ လာရောက်ထုတ်ပေးဖို့ မြန်မာနိုင်ငံစာစစ်ဦးစီးဌာန ဒုတိယညွှန်ကြားရေးမှူး
ဒေါက်တာသိန်းဇံကအခုလိုပြောပါတယ်။

အမှတ်စာရင်းတွေထုတ်ယူရာမှာ အမှတ်စာရင်းတောင်းခံလွှာနဲ့ တံဆိပ်ခေါင်းဖိုး ကျပ် ၄၀၀ ပေးသွင်းရမှာဖြစ်ပါတယ်။မြန်မာနိုင်ငံစာစစ်ဦးစီးဌာန ရန်ကုန်ရုံးခွဲကို ပြီးခဲ့တဲ့နှစ်လက ပါရမီလမ်း၊လှိုင်မြို့နယ် လှိုင်တက္ကသိုလ်နယ်မြေဂိတ်(၁)နဲ့မျက်နှာချင်းဆိုင်နေရာကို ပြောင်းရွှေ့ဖွင့်လှစ်ထားတာကြောင့် အမှတ်စာရင်းထုတ်ယူမယ့်သူတွေအနေနဲ့ ရုံးအသစ်မှာ အမှတ်စာရင်းတွေထုတ်ယူရမှာပါ။

ဒါ့အပြင် မြန်မာနိုင်ငံစာစစ်ဦးစီးဌာနက နယ်တွေကို Mobile Team တွေနဲ့ သွားပြီး အမှတ်စာရင်းထုတ်ပေးဖို့ ပြင်ဆင်နေတယ်လို့သိရပါတယ်။

၂၀၁၉ခုနှစ် တက္ကသိုလ်ဝင်တန်းစာမေးပွဲအောင်စာရင်းကို ဇွန်လ ၈ ရက်က ထုတ်ပြန်ခဲ့ပြီး တစ်နိုင်ငံလုံး အတိုင်းအတာနဲ့ အောင်ချက် ၃၁ ဒသမ ၄၄ ရာခိုင်နှုန်းရှိတယ်လို့ မြန်မာနိုင်ငံစာစစ်ဦးစီးဌာနက ထုတ်ပြန်ထားပါတယ်။

ရုပ်သံသတင်းထောက် - လွင်သဲငယ်ဦး
Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook:   / 7dayonlinetv  
Twitter:   / 7day_tv