【18區打卡熱點 - 九龍城篇】

Описание к видео 【18區打卡熱點 - 九龍城篇】

仲記得一隻隻飛機，喺九龍城區民居上空低飛嘅畫面嗎？啟德舊機場雖然喺1998 年完成咗歷史任務，但箇中嘅點點滴滴，仍然教人回味！而家就有機會，畀大家一齊重溫昔日去旅行、送機、接機嘅回憶喇！

九龍城民政處喺啟德車站廣場推出全新打卡點，以特色裝置將啟德舊機場嘅情懷重現喺大家眼前。打卡點包含以下4大裝置，大家萬勿錯過：

去旅行未出發先興奮！你可推住放滿懷舊行李箱嘅手推車影相，照片馬上增添復古風味。

梗係唔少得望下航班資訊板，睇下邊個閘位上機啦！打卡點設置舊啟德機場航班資訊板，大家可以仔細觀察下航班編號、目的地、時間等，全部都內有乾坤，留待你嚟發掘！

仲有仿霓虹燈效果嘅LED燈牌，展示現今旅遊經歷，喚起你嘅旅行回憶。最後去埋立體地畫空間，感受飛機近距離飛越九龍城鬧市，打卡嗰陣仲可以參考旁邊嘅拍攝小貼士，並加入你無窮嘅創意，拍攝出獨一無二嘅相片！

打卡點展期至2025年3月3日，而霓虹燈牌每晚6時亮燈。一齊去片，聽聽九龍城民政專員蔡敏君，以及九龍城青年社區建設委員會伍海山主席同郭培深委員嘅介紹。

約定你，穿越啟德再起飛！

Комментарии

Информация по комментариям в разработке

Похожие видео