غصن الرياض المايد.. عبد العزيز محمد داؤود (جلسة عود)

نعالج القبح بالجمال
ــــــــــــــــــــــــــــــــــــــــ
غصن الرياض
ــــــــــــــــــــــــــــــــــــــــ
كلمات: علي المساح
ألحان: محمد أحمد سليمان الشبلي
بورتريه: عماد عبد الله
ــــــــــــــــــــــــــــــــــــــــ
يا غصن الرياض المايد
يا الناحِلني هجرك وانت ناضر وزايد
جافيني ليه.. ليك أنا رايد؟
...
يا غصن الرياض المايد
ما أظن عن غرامك لو أموت لا حايد
سهران ليلي طال والعين صِحَت ماها جايد
تعبان قصدي ليمك، وإنت ناضر وزايد
...
في الجيل يا الجمالك سايد
عينيك ليك جنودك وإنت ليهن قايد
يا النافر جفيتني بنظرة لي ماك عايد
شوفتك زي هلال العيد، وفيهو أعايد
...
أنا وحبك ترعرعنا ونشأنا ندايد
من زمناً قِبيل، أيام قُلال وعدايد
ما خلِص القديم، وتبين مصايبو جدايد
حِن يا حبيب .. كفاي مُر العذاب وشدايد
...
يا خُلاصة الحواري الـمِن جِنان وخوالد
حُسنك ليك يدوم، لا أم تلِد لا والد
رافل في ظلال مجد الطريف التالد
يا الـلابس العفاف حُلية وعقود وقلايد​
...
عانيت في ليالي هواك صنوف واحايد
مشكلة بين هواي وجفاكَ وإنت مُحايد
بس ما ذنبي غير صوت النشيد ونشايد
في مدحك بنيت قصر الرشيد الشايد
……………
إنا لله ياخ