فرقا عضيدي | كلمات لافي الغربي | أداء خالد ال بريك | 2024

للتواصل والاستفسارات
الحسابات الرسمية :
https://bio.site/i505

الابيات :

اتركوني لين قرص الشمس يملى الكون نوره
والله اني من زمانٍ فات ما حالي بحالي

من بعد فرقى عضيدي طاحت النفس الصبوره
والله اني ما توقعته يخليني لحالي

الفراق اثر على نفسي و انا نفسي جسوره
جعل همٍ وسط صدري يارفيقي للزوالي

كم حملٍ قام به عضدي معي وقت الضروره
الحمول اللي تهد جبال وتعسر الجمالي

كنت اشوفه واقعي واليوم اشوفه بس صوره
ويل قلبي صورته عيت تفارق من خيالي

من يقول الرجل مايشكي لخلق الله اموره
واحدٍ يمشي على الارض الفسيحه مايبالي

ياسعود الشعر في مدحك تثنت لي شطوره
ماتثنت غير عصماً مستواها فالعلالي

ياوريث اللي سمان الحيل تطبخ في قدوره
احتزم بك كل ماركب الرشا فوق المحالي

من ذخرك حزام مايلقى من الايام جوره
وانت عونٍ للرفيق وللصحيب وللموالي

ساطيٍ لاضاعت الاشوار ماضيعت شوره
كنك تقول بوجودي اضحك بوجه الليالي

درع جنبي وابن عمي وانت فزعتك مخبوره
منبعك من طيب جد وطيب عم و طيب خالي

انت راع الموقف المشهود والنفس الغيوره
نعنبو اللي من فعولك مايطوح بالعقالي

كل مالجت عزاوي من تعزوى باخو نوره
جيت مثل الغيث في قفرٍ مهدد بالزوالي

دايم الغربي يبادر بالسعد عند الضرورة
ميزةٍ ما توجد الا مع كريمين السبالي

لاحدتني صكت الدنيا وجاء للدم فوره
نعتزي بك كلنا عن مدلهمات الليالي

ذاخرك عودٍ على فعل الوفاء ماغاب نوره
يصنع المعروف دايم بالبعيد وبالموالي

زدت له ذودٍ طفاح زينها منه مغموره
كل ابوها زينها ما له مثيل وضغط عالي

وجبت له سقس جديد وغرفة للي يزوره
من يجي وسط المراح يروح متريح وسالي

بادي سعود السنافي تمشي العالم بشوره
لا احتدم ضرب الرصاص الحي مزبن كل جالي

لا عطى يعطي عظام المال مدته مخبوره
غرب ولا شرق ولا فالجنوب وفالشمالي

حاتمي فالكرم مافيه نور فوق نوره
القبيلة غالية واللي يسد النوب غالي

ابن عمي والنعم مليون منا لشروره
جعل فدوته الضعيف اللي يغيب ولايبالي

اخو زيد اللي على الشدات تتبين شبوره
يطبخ راسه من الطنخة تقل يصلاه صالي

الشجيع اللي ليا شاف المعادي فج زوره
والله انّه مايبقي للجيوش العوج تالي