Скачать или смотреть Boyovutda madaniyatga e’tibor – Markaz mahallasida ko‘tarinki ruhdagi tadbir bo’lib o’tdi

Boyovut tumani Markaz mahallasida madaniy-ma’rifiy tadbir tashkil etildi. Mazkur tadbir viloyatimizda madaniyat va ma’naviyatga qaratilayotgan yuksak e’tiborning amaliy ifodasi bo‘lib, mahalla ahli uchun maroqli hordiq chiqarish, ko‘tarinki kayfiyat ulashish hamda milliy qadriyatlarimizni keng targ‘ib etish maqsadida o‘tkazildi.

Tadbir davomida tuman madaniyat bo‘limi san’atkorlari tomonidan kuy-qo‘shiqlar, milliy raqslar va sahna ko‘rinishlari namoyish etildi. Ijodiy jamoalarning mazmunli chiqishlari yig‘ilganlarga xush kayfiyat ulashib, bayramona muhitni yanada jo‘shqin tus oldirdi. Ayniqsa vatanparvarlik ruhidagi qo‘shiqlar va milliy an’analarimizni aks ettiruvchi raqslar tomoshabinlar tomonidan iliq kutib olindi.

Bunday madaniy tadbirlar aholining bo‘sh vaqtini mazmunli tashkil etish, yoshlar qalbida san’at va madaniyatga mehr uyg‘otish, jamiyatda hamjihatlik va birdamlikni mustahkamlashda muhim ahamiyat kasb etadi.